“Idatzi gutxi egiten diat, jorran ematen diat denbora gehiena”
- Zeruaren graziarik behar ez duen idazlea; barka, idazten duen pertsona.
Hara, progresoan sinesten ez duena!
Ederra zagok sinesteko!
Zer, zaldiz joan behar al dugu orain batetik bestera?
Zaldiz zaldunak joango dituk berriz ere.
Elkarrizketa hau aurrez aurre egin dugula esango dut, beraz.
Esan ba, nik lagunduko diat itxurak egiten.
Aizu, teknologia berriak ondo egon daitezke; funtzionatzen duten bitartean, behintzat.
Funtzionatuagatik gaizki daudenak ere badituk.
Asko edukitzeak ez gaitu hobe egiten, hortaz.
Igual kontrakoa.
Esaiozu bi kotxe dituenari bat oparitzeko!
Ez al duk batekin nahikoa?
Luxuak itsututa bizi gara eta...
Ez pentsa. Begi-lausotuta gaudek, ez baita besterik.
Nor da itsuago, egungo progresoa edo gu geu?
Ez iezadak horrelako galdera inhumanorik egin.
Progreso zalea ez dena, zer da, atzerakoia?
Atzera eta aurrera gabiltzan bidea bera ez zaiguk batzuei gustatzen.
Baratzean jarduten duzu oraindik edo ari zara idazten?
Orain idatzi gutxi egiten diat, jorran ematen diat denbora gehiena.
Idazle izan baino nahiago duzu idatzi.
Askoz ere gainera.
Zertarako idatzi baina?
(Pentsakor gelditu da).
Eskribau errespetatuenen erreinuak ez zaitu sobera kezkatzen.
Urrunegi zagok.
Kritika alde eta irakurleak izanik, zertarako!
Bai, motel! Ezin kexatu gaitezkek!
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
Iaz 1.343 infekzio erregistratu ziren, duela zazpi urteko zifrak laukoiztu dira. Adituen arabera "arriskuaren pertzepzioa galtzen ari da" eta hartara prebentzio neurri gutxiago hartzen dira.
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Hanlonen printzipioaren juzgu egin beharko da, agian: “Inoiz ez iezaiozu gaiztakeriari egotzi ergelkeriak ederki esplika dezakeena”. Protagonista nagusiek biziro hobesten dute aukera hori.
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]