Bide katalanari jarriak

I
Herrialde Katalanak
eredu, aitzindari,
ekinbide pragmatiko,
lege borrokalari.
Hiru urte ta gehiagoz
deliberatzen ari
ta Stop esan diote
bide katalanari.
II
Legezko bide guztiak
Madrilek eskatuta
Parlamentak, Gorteek ta
herriak bozkatuta.
Abortuaren legeaz
PP hain kezkatuta
jaio baino lehenago
hil dute Estatuta.
III
Kontsentsuaren aldeko
gurtza ta gomendio
Parlamentean gehiengoz
orraztua propio
Gorteetan zepillatu,
Guerra bakeaz fio?!
Orain Konstituzionalak
makina pasa dio.
IV
Ibarretxeren plana zen
Gorteetan erori
kontsentsurik ez zuela,
aitzakia bai lodi.
Ta katalanek sinetsi
gure Zapaterori
pragmatismoa ez baizik
fede gehitxo zen hori.
V
Gero manifak, jendetzak
ta hauteskunde jira
protestaldi neurtuaren
erromes jaialdira.
Hemengo joerak ere
onargarri ez dira
beti elkarri ez beste
norabaite begira.
VI
Geure barrutiak sortu
hazi berriak bota
geure mugarriak sartu,
hor gogor egin kontra.
Nahiz ustelduta dagola
behin eta berriz konta
ez hesola, ez estaka
ez dira eroriko-ta.

Doinua: “Agure zahar batek zion”.

Bidali zure sortak bertsoak@argia.eus helbidera. Aukeratuak orri honetan argitaratuko ditugu.

Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude