ARGIA.eus

2020ko ekainaren 06a

Txapelketa Nagusiari jarriak

  • I
    Txapelketaren lehia eroan,
    sormenaren afanean,
    bertsoz osatu zaigu orbela
    aurtengo udazkenean.
Alaitz Sarasola
2009ko abenduaren 13a
Alaitz Sarasola
Alaitz SarasolaNagore Legarreta
II
Ilaren menpe sartu ezinda
ez gelditzeko penetan,
bazkalordua aurreratu da
makina bat sukaldetan.


III
Hitz neurtuei doinua jarriz
segundo gutxi batzutan,
denek nahi dute baina bakarra
ipiniko dute puntan.


IV
Txalo hotsekin lehen agurra
horra aurkezpen txartela,
sarri bakoitzak duen tenplea
erakusten du horrela.


V

Zenbat buru hainbeste epaile
begi-belarriak adi,
kakots arteko puntuak jarriz
epaitu ezin denari.

VI
Laudio, Leitza, Bilbo, Uztaritze…
mapa behar du txoferrak,
deskubritzeko dauzkagulako
Euskal Herriko bazterrak.

   
VII
Pilotaleku handiak lepo
denak gertu lehiarako,
artekariak egon balira
lanik ez zuten faltako.


VIII
Batzuk haserre, besteak ados,
ta iritziak hamaika,
bertsotan ere denen gustoa
egitea zaila baita.


IX

Alfonbra gorri bat jarri ordez
txaleko gorriak jantziz,
hamaika lagun lanean itsu
aritu da elegantziz.


X

Oholtza gainean txalotu diren
izar handien arnasa,
ixildu gabe bizirik dirau
saioz saio, plazaz plaza.

Doinua: “Dios te salve, ongi etorri”.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Argiako Bertso jarriak

Argiako Bertso jarriak kanaletik interesatuko zaizu...

ASTEKARIA
2009ko abenduaren 13a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude