“Guardia zibilek euren amentzat argazkia eskatzen didate”

  • Saltsa guztietako perrexila dela diote askok. Oker daude. Berak jartzen baititu biak, saltsa eta perrexila.
Karlos Arguiñano
Dani Blanco

Sukaldaria ez, zu enpresarioa zara!


Enpresarioa izatea soldatak ordaintzea baldin bada, bai. Nik azkeneko soldata hogei urterekin kobratu nuen.
 

Ama, ama, Arguiñano bezalakoa izan nahi dut... Aberatsa!


Une gogorrak ere pasata nago. Zorrak, lan gutxi, seme-alaba pila hazteko, eta gauetan profesionalek baino gehiago alternatzen. Eskerrak orain hobeto nabilen!
 

Pertsonaia publiko-mediatikoa izatea hobeto ibiltzea da?


Guardia zibilek euren amentzat argazkia eskatzen didate, paseoan noala patruila bat nire ondotik pasatzen bada sirena jartzen dit… Zer egin behar dut? Agurtu eta aurrera!
 

Zu omen zara Zarauzko monumenturik bisitatuena.


Jatetxera goizean goizetik autobuskadak etortzen dira ni ukitu nahian, eta denek telebistan ikusi nautela esaten didate. Hola ez dago bizitzerik, ezin dut jasan, ez naiz marrazki biziduna.
 

Hain duzu eragin nabarmena ekonomian...


Gaur untxia prestatzen badut, bihar goizeko 10etarako Espainia osoan ez da untxi bat salgai geratuko. Ez da broma, baserritarrak deika izaten ditut.
 

Telebista ere etxalde handi bat ez ote den...


Telebistan jendea aspertu edo entretenitzen duzu, ez dago besterik. Programa oxigenoa da niretzat. Horregatik naiz edozerekin bromista, errezetekin izan ezik.
 

Ez dakit ba, Asegarce sortzeko ere broma gutxi!


Garai hartan, ETBk uste zuen pilotariek belarra jaten zutela. Orduko pilota mundua zirkua izango zen, baina zirkuan trapezistei ere ordaindu behar izaten zaie, ezta?
 

Horregatik dago ETB Asperen sorreraren atzean.


Kazetari guztiak kontrolatzea gutxi ez, eta diru publikoarekin egin nahi izan ziguten aurre. Hori gangsterismoa da! Gainera hori egin zutenak partiduan saritu egin zituzten.
 

Baina zer da ETB La Sexta-ko akziodun batentzat?


Ez nuen inoiz pentsatuko baina aukera sortu eta sartu egin nintzen. Nik sukaldaria izan nahi nuen jatetxe bat edukitzeko, eta begira, orain denetik daukat. Hori bai, ni ez naiz Zapateroren laguna!

 
Frogatu egidazu hori...


Begira nire sukaldaritza eskola. Askok hemen hizketa egin eta pisuak Espainian erosten dituzte. Nik Espainian dirua irabazi eta hemen sekulako eskola muntatu dut.
 

Marka da gero! Eskola gorrotatzen zuena eskola muntatzen!


15-16 urterekin gazte asko ikusten nituen galduta, eta ofizio bat eskainiz bizimodua ateratzeko aukera eman nahi nien. Oker nengoen, ordea. Kolgatuek kolgatuta segitzen dute, eta eskolara sukaldari izan nahi dutenak datoz.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude