Zulotik irtetean jarriak

  • I

    Gaur txute bat, ta bihar bi
    hasieran buru argi
    baina bridatik luzaro ezin
    eutsi zaldiari.
    Ezer pentsatzeko nagi
    begirada xiringari
    ohartzerako lepoa eman
    nion bizitzari.
Onintza Enbeita
Onintza EnbeitaXDZ/ Alberto Elosegi
II

Bidaia luzeetan, ai!
ze bare eta ze lasai
baina ez nintzen bat ere gabe
luze eusteko gai.
Kalean behatzak etsai
akusazioak nonahi.
Gizarte honek mugatik hara
ez du ikusi nahi.



III

Zerbaiten bila kalean
edonoren portalean.
Xiringa gutxi, seirentzat hiru
arrisku betean.
Ruleta Rusa batean
ibili naiz aidanean.
Heriotzari beldurra galdu
diot azkenean.



IV

Nik ez dakit zerk deituta
edo zelan pentsatuta
atera naute zulotik sendo
eskutik helduta.
Gizartera bueltatuta
kanpotik begiratuta
iruditzen zait denek dutela
nirearen kulpa.



V

Lehen lagun nituenak
nire ustez maiteenak
ume sasoian nire ondoan
erotzen zirenak.
Ikusi orduko penak
zaldiarekiko demak
lurrak irentsi balitu legez
galdu ziren denak.



VI

Neurri batean gustura
sartzen genuen barrura.
Ez dut sekula erreparatu
nire ingurura.
Uzteko banuen duda
gaur itzuli naiz mundura.
Damutu ez naiz damutzen baina
orain ez dut gura.

Doinua: "Haizak hi mutil mainontzi"

Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude