ARGIA.eus

2020ko ekainaren 06a

Ultrakirolari afizionatuari jarriak

  • I

    Norberak bere bizioetan
    astintzen dugu kartera
    baina aipatu nahi dudan gaia
    gure herriko parte da.
    Gizaberea heltzen denean
    hogeitamar bat urtera
    Foruma joan, VISA pasatu,
    jantzi lau jantzi hortera,
    parrandak utzi ta hurbiltzen da
    kirolarien artera.
Aitor Sarriegi @asarriegi
2008ko martxoaren 16a
Aitor Sarriegi
Aitor Sarriegi bertsolariaMaddi Soroa
II

Euskalerrian kirolerako
nahi hainbeste afizio
beti izan da baina gaur ia
ez al da erdi misio?
Esfortzu proba, entrenamendu,
pultsometro ta fisio
lanetik bueltan zaletasuna
bihurturik ofizio
emaitzak lortzen hasi orduko
bilakatzen da bizio.


III

Ekainerako Quebrantahuesos
egin behar da jakina,
sei mila euro ta erosten da
neurri-neurriko makina.
Honen gurpilak, haren “grupoa”
koadroaren slooping-a
portabidoiak hamabost gramo
(karbono zuntzez egina),
kulotepean izango duten
kakarrastoak adina.

IV

Gero Aizkorrin maratoia da
dortsal bat behar dute har
eta tokatu ezik erosi...
bestela etxean negar.
Korrika eta erdi-korrika
mendi malkarretan zehar,
ezpainetatik bitsa jario,
zango-zainak etetear,
nonbait zelaian nahiko lan ez ta
maldan gora egin behar!


V

Behobiatik Donostirako
bidean ere urtero
elkartzen dira ehun kirolari
ta hamabost mila ero.
Hilabetetan preparatuak
(batzuk bakarrean edo)
egunkarian beren izena
irakurri asmoz gero.
Zenbat irtengo ote lirake
sailkapenik ez balego?


VI

Zelai gainean sei ordu edo
korrika aldapan gora
dena da marka, dena da lehia,
errekor eta denbora.
Beraz batzutan hurbildu arren
bizikletaren ondora
sei bertsootan jarri izana
ultrakirolaren moda
saiatzeko ere gai ez den baten
inbidia izango da.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Argiako Bertso jarriak

Argiako Bertso jarriak kanaletik interesatuko zaizu...

ASTEKARIA
2008ko martxoaren 16a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude