Izenak
Barricada Iruñeko musika taldeak 25. urteurrena ospatzeko bira egingo du. Lehen emanaldia Atarrabian martxoaren 30ean eskainiko du. Hiru ordu iraungo duen kontzertuan plazaratu dituzten 18 diskoetako abestiak joko dituzte. Bira amaitu ostean disko berria grabatzeko asmoa dute Barricadako musikariek.
Traspasos konpainia gasteiztarraren Demasiado humano (los últimos días de Nietzsche) obrak Euskadi ordezkatuko du Max Sarietan, ikuskizun errebelazio onenaren atalean. Sariak apirilaren 16an banatuko dituzte Bilboko Euskalduna jauregian.
Jose Antonio Sistiaga margolari eta zinemagile donostiarraren lanekin Suite érotique izeneko erakusketa zabaldu dute Donostiako Koldo Mitxelena kulturunean. Erotismoa ardatz hartuta, Sistiagak 1980tik 1993 artean marraztutako 24 artelan jarri dituzte ikusgai. Erakusketa martxoaren 24a arte egongo da zabalik.
My Jok plataforma artistikoak euskal gazteen nortasunaz gogoeta egitea xede duen BURP! dokumentala egin du Euskal Kultur Erakundearen partaidetzarekin. Sorkuntza hori, ekainaren 23an Baionan zabalduko den BatekMila - Euskal munduak multimedia erakusketa ibiltarian eskainiko dute estreinakoz.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.