Bertso berriak... Sukaldeei jarriak


2006ko irailaren 17an

I

Haurtzaroko sukalde
zahar haiek goguan.
Kazkabarrak leihoa
jotzen zun orduan
guztiok elkarturik
famili moduan.
Aiton, amon, aita, amak
ta haurrak sutonduan.
Txoko goxoagorik
ez zegon munduan.


II

Baina haurtzaro hura
joan zen ihesi
gizarte berrirako
behar genun hezi.
Mundu hobeago bat
zen gure gutizi,
nahiz ta ilusioa
genuen nagusi.
Mundu zahar borobil hau
dena "eskin-bizi".


III

Gure ametsetako
mundu polit hura
eskuratu ezinak
sortzen du tristura.
Bizitza presati hau
da gure tortura.
Bateko hipoteka
besteko faktura.
Askatasuna nahi ta
denetik lotura.


IV

Erlojuaren morroi
esnatuz goizean
eguna pasatzeko
gero estresean.
Irriparrak amildu
ziraden leizean.
Abiadan bagoaz
maiz noraezean
aurrerapenan bila
martxa atrasean.


V

Zerbaitek huts egin du
gure ametsetan.
Aurrerapenak berak
jo gaitu hortzetan.
Sentiberatasuna
galdu bihotzetan.
Haurrak haurtzaindegian
zaharrak zaharretxetan
sukalderik gabeko
eraikin hotzetan.


VI

Estuasuna etxean,
patxada auzuan.
Denok itsumustuan
denok jo ta suan.
Irazuk: "gure haurrak
granjan" esan zuan.
Berdin esango nuke
aitonen kasuan.
Sukalde berri hontan
biak enbazuan.


Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude