Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 15an
Ezpalak
Liburuarekin zita apirilaren 23an
Liburuaren Nazioarteko Eguna da apirilaren 23a. Izango da irakurtzearen plazerra aldarrikatzeko eta liburugintzaren ezinak plazaratzeko aukerarik. Eusko Jaurlaritzako Kultura Sailak irakurzaletasuna eta liburutegien erabilera sustatzeko kanpaina egiteko baliatuko du. Iruñeko Biurdana institutuan Irakurketa Publikoa ekimena egiteko probestuko dute apirilaren 29an. Ikasle, irakasle eta hainbat kulturgilek (Jose Angel Irigarai, Aitor Beltran, Joxemiel Bidador...) Enrike Zubiri Manezaundi, Fermin Irigarai Larreko eta Alexander Tapia Perurenaren testuak irakurriko dituzte. Datorren urtean ere, segur aski, izango da zer irakurri Eusko Jaurlaritzak Bilbon sortuko duen Artxibo Nazionalean.
Euskal antzerkigintzaz mintegia
Artedrama euskal laborategia izeneko mintegi trinkoa antolatu du Antzerkiola Imaginarioa taldeak. Apirilaren 17tik 23ra izango da, Aulestin (Bizkaia). Euskal sortzaileen elkargune izatea eta euskal antzerkigintzak dituen edota izan ditzakeen ezaugarriak aztertzea du xede, euskal terminologia dramatikoa garatze eta euskarazko sormen prozesuak gauzatze aldera. Besteak beste Gaitzerdi antzerki taldeak, Agerre teatroko Maite Agirrek, Antton Lukuk eta Antzerkiola Imaginarioko Aitor Agirianok eta Ander Lipusek agertuko dituzte euren lan molde, teknika eta ikuspuntuak.
Eihartzea kultur etxea itxiko dute
Hazparneko Eihartzea kultur etxea ixteko agindu du herriko etxeak, segurtasun batzordeak egoitzaren egoera txarra dela ondorioztatu eta gero. Oraino AEK, Emazteek Diote, Radio Kultura, Alternatiba taldeak eta Eihartzea kultur taldeek erabili dute egoitza eta herriko etxeak ez die beste gelarik eskaini. 1983an hitzarmena sinatu zuten Eihartzea taldeak eta Hazparneko herriko etxeak; haren arabera, udalak zaindu behar zuen kultur etxea eta eragileek ekimenak bermatu behar zituzten. Taldeok ez dute geroari buruzko bermerik eta mobilizazioak hasi dituzte. Hilaren 8an manifestazioa egin zuten eta sinadurak biltzen ari dira.
Tunick Donostian Dfotoren eskutik
Maiatzaren 4tik 7ra izango da Donostian Dfoto argazki eta bideo azoka. Ordóñez-Falcón Fundazioak antolatzen duen Kursaaleko azokan 42 galeria izango dira, mundu zabalekoak. Thomas Ruff, Helena Almeida, Edward Burtynsky eta Dario Urzayren lanak ikusi ahal izango dira. Azokaz gain, egitarau zabala apailatu dute antolatzaileek: erakusketak Tabako Fabrikan, San Telmo museoan, Espacio DV eta Okendo kultur etxean, mahai-inguruak... Aurretik ordea, pertsona biluziez osatutako instalazioak egiten dituen Spencer Tunickek instalazioa egiteko deia egin du apirilaren 22rako.
Titiriteroen Topaketak Nafarroan
Txotxongilo ikuskizun ugari ikusteko abagunea izango da datorren astean San Adrianen eta Zugarramurdin. Hilaren 18tik 20ra VIII. Txotxongilo jaialdia egingo dute San Adrianen. Besteak beste, Titiriteros de Binefar, Ditirambo, Hilando eta Pepe Luna taldeek parte hartuko dute. Apirilaren 22 eta 23an, Euskal Titiriteroen Topaketak hartuko du lekua. Behi bis, Azika, Imagina T, Tenderete, Viravolta, Goloka, Taun Taun, Kixka, Antzezkizuna, Kukubiltxo eta Bihar taldeek eskainiko dute saioa Zugarramurdiko jaialdiaren 8. urte honetan.
Herri musika eskoletara heltzeko gertu
Euskal musikak leku eskasa izan du musika eskoletan. Hutsune horretaz jabetuta, Aho bete kanta egitasmoa gauzatu du herri kulturaren transmisioan lan egiten duen Arteola elkarteak. Azken 40 urteetan sortutako 250 kantu biltzen dituen ikus-entzunezko material didaktikoa Musika Eskolen Elkartearekin elkarlanean egin du.
Antzerki liburuen denda zabaldu dute Bilbon
Yorick liburu denda zabaldu du Artezblai enpresak Bilboko San Frantzisko kalean. Artez aldizkaria plazaratzen duen enpresak antzerki testuak argitaratzeari ekin zion duela bospasei urte, ondoren Internet bidezko Yorick liburu denda zabaldu zuen eta orain Bilbokoa.
Artea zaborrarekin
Basurama elkartearen 2x1 izeneko erakusketa zabalik dago Andoaingo Bastero kultur etxean. Bertan dagoena zaborra da, baina itxuraldatua. Adibidez, pneumatikoekin egindako sofak eta egurrezko fruta kaxekin egindako jostailuak jarri dituzte. Apirilaren 29a arte izango da zabalik eta ondoren Donostiara eramango dute.
Irakurrienak
Matomo erabiliz
#1
Mikel Garcia Idiakez
#2
Mikel Garcia Idiakez
#3
Gorka Peñagarikano Goikoetxea
#4
Irutxuloko Hitza
#5
Lander Arretxea
#6
dantzan.eus
|
Kattalin Agerre
Azkenak
2024-05-19
Miel Anjel Elustondo
Anne-Marie Lagarde. Matriarkatuaz (eta biziaz)
"Zukak puruki ezabatzen du sexu identitatea eta, hikak, aldiz, eraikitzen"
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
2024-05-19
Lander Arretxea
Musika iruditan (II)
Bideoklipak: aurpegia ala gurutzea
Musikariaren lana musika sortzea eta jotzea da. Baina soilik hori? Irudiak eta sustapenak gero eta pisu gehiago dute alor gehienetan, eta musikariak ere ez dabiltza zurrunbilo horretatik aparte. Bideoklipa bilakatu da abesti edo disko bat kaleratzeko euskarri (ia) ezinbestekoa... [+]
2024-05-19
Nagore Irazustabarrena Uranga
Australiako aborigenen buztingintza
Australiako ipar ekialdean dagoen Jiigurru uhartean duela 2.000-3.000 urteko zeramika zatiak aurkitu dituzte James Cook unibertsitateko eta Australiako Ikerketa Kontseiluko kideek. Australian orain arte aurkitutako zeramika arrastorik zaharrenak dira. Arrastoen azterketa... [+]
2024-05-19
Nagore Irazustabarrena Uranga
Erroldan zentsuratuak
Erroma, K.a. 443. Lehenengoz zentsoreak aukeratu zituzten. Handik bi mendetara Errepublikako magistraturarik garrantzitsuena izango zen zentsurarena. Bost urtean behin bi zentsore aukeratzen zituzten, kontsul izandako senatarien artean.
Erantzukizun handiko kargua zen:... [+]
Eguneraketa berriak daude