Boli Kostak oso egoera larria bizi du. Politikoen arteko konponezinak gerra zibila piztu du eta herria bitan zatitua dago: Iparra matxinoen esku eta hegoa Gobernuaren aldekoen esku. Orain gutxi desarmerako bi aldeak adostasunera iritsi baziren ere, sarraskiak ez dira bukatu. Duela hilabete Douekuen berrogeita hamar lagun hil zituzten bizirik erreta, Guere etniakoak ziren. Marco ere hala da, eta badaki futbola dela herriaren ilusio bide bakarra: "Munduko Kopara sailkatzen bagara agian herria berriz elkartuko da. Futbolak asko lagun lezake bakea lortzen, baina hori bai, dena ezin du futbolak egin".