Albisteak 

1877. alea
2002-11-24
alde 0    kontra 0

HERRI TELEBISTA ALDUDEN

1997an abiatutako Aldudarrak bideo elkarteak telebista katea martxan jarri du. Azaroaren 16an ekin zioten emisioei eta abenduaren amaiera arte jarraituko dute. Astean hiruzpalau orenez erreportajeak, mahai-inguruak... emitituko dituzte. Horrez gain, elkarteak otsailaz geroztik grabatutako bideoak, agenda eta egunkarietako titularrak emango dituzte. Mementoz dena euskaraz egiteko asmoa dute, baina gaia eztabaidatzen ari dira, herritar batzuek ulertzen ez dutelako. Entsegu honen ondoren behin betiko telebista jarri nahi dute abian.



GASTEIZKO EUSKARA PLANAREN ZIRRIBORROA

Gasteizko Udalak Euskara Planaren azken zirriborroa aurkeztu du. Horren arabera, unitate elebidunak sortuko lituzke hizkuntza eskakizuna lanpostuetako %80an egiaztatuta duten zerbitzuetan eta horrek praktikan sail gutxiri eragingo lioke: Hezkuntzari eta agian Kulturari. Udalak urte amaierarako onartu nahi du Plana.


EUSKARA SUSTATZEKO PARTIDA BEHERA

Eusko Jaurlaritzak 2003rako aurkeztutako aurrekontuen aurreproiektuaren arabera, euskara sustatzeko programak aurten baino 18,7 milioi euro gutxiago izango ditu. Jaitsiera handiena irakaskuntza sistema euskalduntzeko diru kopuruak izango du; izan ere, 17,4 milioi euro gutxiago izango ditu aurtengoaren aldean. Aurrekontu orokorra, aldiz, %4,3 igo da.



ERABILERAN ERAGITEKO JARDUNALDIA

Datorren abenduaren 20an, euskararen erabileran nola eragin hausnartzeko hiru mahai-inguru izango dira UEUren egoitza nagusian, Eibarren, SEI elkartearen eskutik. Besteak beste, Eguzki Urteagak, Rosa Ramosek, Mikel Arregik eta Inaxio Agirrek hartuko dute parte jardunaldiotan.



Facebook  Twitter  Delicious  Digg 
azala  
azala1876
 
azala1875

1877 zenbakia.
2002ko azaroaren 24a

   
Jaso egunero email bakarrean eguneko 10 albisteak. Eta astean behin, astekaria. Dohainik.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiƱa Argia Antza iametza Adur Luditoys