ARREN AGERRALDIA


2021eko uztailaren 15an
Neguko ekinozioak luzatzen dio urte berriari abiatzeko baimena. Ekinozio hau udazkenaren amaian izanagatik jendeak "neguaren bihotzatzat" jotzen du. Urteko egunik motzenak eta gaurik luzeenak dira. Urte berriarekin eguna gauari apurka-apurka segunduak, minutuak, denbora higatzen hasten da. Tenperaturarekin batera argitasuna da, batik bat, landareen bizi nahia bizkortzen duena. Datorren zikloari begira erreserbak dantzatzen hasiko dira eta azkarrenek neguaren amaierako izotzaldia baino lehenago lore-jendearen lanak eginda nahi izaten dituzte. Hurritza (Corylus avellana) eta haltza (Alnus glutinosa) ditugu oraintxe lan horretan murgilduta. Biak ondo bereizitako lore ar eta emeak dituzte soinean. Urrutitik ikusteko modukoak, harro, arrak dira; batean laruak, ardo kolorekoak bestean. Nabarmenak, urte osoko agerraldia oraintxe egin behar dutelako, behin polen hautsa zabaldu eta lore emeak ernalduz gero beste ezertarako gauza ez eta landareak, lasai asko, lurrera botako dituelako. Emeak, aldiz, ttiki-ttikiak ia ikustezinak dira, harropuzkeriatan ibili baino lan garrantzitsuagoak bai baitituzte. Ernaldu ondoren hor iraun beharko dute negu osoa, izotzaren beldur, hostaia berriarekin bat elikagaiak ekarriko dizkion izerdi kolpe handiaren zain; gero hilabeteak joango zaizkie fruituak hazi eta heltzen.

Emeen iazko fruitua janez arren harroputzaldia, neguko irriño batez, errekazulo gehienetan ikusteko modukoa da

mandiozerain.com


Azkenak
Ukrainak Europar Batasuneko armamentuarekin Errusiako lurraldeari eraso egitea babestu du Borrellek

Borrellen hitzak azken asteotako eskalada elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua Errusiako lurraldearen aurka erabiltzeko baimena ematen dioten... [+]


Herriari bizitza ematen dion Zigako eskolak itxi egin beharko du ume faltagatik

Lehen Hezkuntzako adin ezberdinetako zortzi ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume... [+]


2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Eguneraketa berriak daude