KUKU BELARRA


2021eko uztailaren 28an
Dema-plaza edo probalekuan iskanbilatsu, errezelo piztaile entzuten den egur-hotsa bolatokian samur entzun eta gero moxalak, behokak eta zaldikoak ikusi asmoz abiatu ginen eskoadrilan igandean. Ia hilabeteko lehorte latzaren osteko eurite gozoen ondoren zalapartatsu, algaraka zetorren Amezketa erreka Aralarren beheiti.

Automobilei bezala basoari ere bidea ixten dion Hondarreko langan gora luze eta zabal hedatzen dira larre-belazeak. Lainoen barruan gindoazenez moxal kontuaz laster etsi genuen, Aintziungo Joxe Antonioren bordako sagardoaren ederrak eta ekonomikaren epelak, euriak hostazuriak bezala, gozo limurtu ginen. Bazkalosteko bueltan artzainaren baratza ezagutu nahi nuen, xelebreak izaten dira beheko lurretakoontzako goietako harresi arteko txoko horiek. Hotza motzean hiltzen da han eta porru, aza, zerba letxu eta abarrek tarte urria dute hazteko. Konturatzerako uda badoa. Eta uda motza bada, udaberria etorri ordurako, kolpean, joana da. Beheko lurretan bi edo hiru hilabeteko tartean loratutako landareak denak batera garatuta ziren han. Kuku-belarra (Aquilegia vulgaris) ere han ageri zen, bide ondoan, arra beteko txortenean lore ubelak zabalduta. Azkar moldatu eta egokitua bizitoki gogorrera. Beheetan luze, luze botatzen du gara kuku-belarrak; edozein belarditan topatuko dituzu lore ubel makurrak gerriaren parean eta kokotsean behar baino gehiago elikatutako lorategietan. Goi hauetan baino hilabete edo bi lehenago…


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude