ARGIA.eus

Itzulpen automatikoa / Machine translation

AHANZTURAREN ONURAK

  • Oilarana toki freskoetan bizi ohi da beste zuhaitz batzuren artean. Lau bat metroko zuhaixka da berau eta ematen dituen gerezitxo beltzak eta zura usaintsua ere baliagarriak dira.

2000ko ekainaren 11n
Kanpoarekin lotzen gaituen hedea estu korapilatuta eutsi nahi dugunok kopetilun begiratzen diogu, alferrik galtze aldera gara garatzen duen tipulari bezala, kultura eta are azkarrago kultura ezak daramaten bideari. Hedabideetan ari garenongandik hasita nabarmena da garai bateko jakintzen galera hizkuntzan. Maspila, garba, mailukia, oilarana eta abar aipatzea baino merkeagoa da, kemenez behinik behin, ingelesez aritzea.
Gereziondo baxakaren tankerakoa den Prunus mahalebi ingelesez ez dakit nola deitzen dioten, baina euskaraz izen dotorea du, oilarana. Karearrizko mendietan toki freskoetan bizi da, hurritz, haritz, urki eta abarren artean bakan. Berexia da bai oilarana eta landare gutxik bezala, ondo gustukoak ditu klima mediterraniarra eta atlantiarra nahasten diren lurraldeak. Lau bat metroko zuhaiska honen lore zuri usaintsuek ematen dituzten zentimetro bat baino txikiagoko gerezitxo beltzak baino mikatzagorik aurkitzen zaila izango duzu. Kolorante gisa erabili izan dira, artilea horitzeko batik bat.
Beta arrosa-gorrizta deigarriko zura, zurgin finenen altxorra, usaintsua da eta pipa kirtenak egiteko erabili izan da. Oilarana, bada, ahanzturaren zaku handitik ateratzeko izena eta landarea


Azkenak
2024-03-04 | ARGIA
Hekimenek konpromisoak eskatu dizkie erakunde publikoei euskarazko hedabideak garai berrietara egokitzeko

Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.


Martxoaren 3a oroitu du jendetzak Gasteizen, eta Polizia manifestazioaren aurka oldartu da

Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]


2024-03-04 | Bertsozale.eus
Asier Otamendik irabazi du Dulantziko finalerdia eta finala erabakita geratu da
Larunbat honetan jokatu da bigarren eta erabakiorra izan den finalerdia Dulanziko Kultur Etxean. Asier Otamendik bereganatu du martxoaren 16an jokatuko den finalerako bigarren txartela.

Eguneraketa berriak daude