Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko maiatzaren 27an
DENA PREST, EGURALDIA EZIK
- ez gara konturatzen Olano edo Pantaniren erasoak ikus ditzagun, atzean suitzar ordulari baten adinako zehaztasuna behar dela. Horretan, ETBko lantaldeak ez du inoren inbidiarik.
Helikoptero bat, bi moto zuzeneko irudiak lortzeko, hirugarren moto bat esatariarentzat, eta beste bi gaueko laburpenerako. Halaxe egiten dute txirrindulari denboraldi osoa ETBkoek, jendearen onespena jasoz; Eurosport-ek ere zuzenean emango ditu etapak.
«Ez gara munduko onenak izango baina duintasunez egiten dugu
» esaten digu Mikel Olazabal ETBko kiroletako buruak.
TOURRA GAINDITUZ.
Halaber, apal- apal baina Tourrari berari aurre hartuz, bi gauzatan aitzindariak izan dira ETBkoak; alde batetik, «bideo-finish» delakoaren bidez, alegia, sprintetan kamera bat jarrita noren tubularra sartu den lehenengo jakiteko. Bestetik, ETBk hemengo enpresa batekin batera, sistema berria asmatu du aldi oro jakiteko ihesaldiak zenbateko zuloa duen tropelarekiko, GPS (satelite) eta programa informatiko bati esker motoen arteko distantzia neurtzen dute, txirrindulariei ezin baitzaie halako tramankulurik jarri. Kontuak kontu, iaz Tourrak aipatu sistema hori eskatu zion ETB-ri.
FRANTZIARREKIN IKASTEN.
Hasierak aldiz, ez ziren hain samurrak izan. Lehenengo urtetan, telebistako emanaldia Frantziako Tourreko zerbitzu berezi bat alokatuta egiten zen, SFP enpresa, alegia, teknologia aldetik zerbitzu esklusiboa zuena.
«Lauzpabost aldiz etorri ziren, baina behin urte horiek igarota, pentsatu genuen bazela garaia guk geuk teknologia horri heltzeko; pixkanaka hasi ginen loturak eta motoetan jarri beharreko tresnak finkatzen, ahal den koordinaziorik onena lortzearren gaur egun arte. Egia esanda aste honetan lanez gainezka ibiliko gara, Euskal Herriko Itzuliaz gain, beste bi proba zuzenean egingo baititugu: Lizarra eta Zornotzako sariak».
LAINOEN GAINETIK.
Hastapenean arazo franko izan zituzten, batik bat Euskal Herriko orografia erraza ez delako, inguru menditsuak, ordeka gutxi, eguraldia ia beti arerio zutela.
«Gogoan dut lehen bazegoela Ibardinen amaitzen zen etapa bat, ba, beti erauntsia genuen
». Izan ere, etapa amaieran behelainoa baldin badago zailtasunak egoten dira irudiak helikopteroraino helarazteko. Hori gerta ez dadin, aurten, esaterako, Herrera mendatean kamera autonomo bat izanen da. Nolanahi ere, egun bada teknologia bat hori konpontzen duena, baina hagitz garestia da. Mikelen esanetan:
«Gure aurrekontuak ez du horretarako ematen. Hegazkin bat laino gainetik bidalita GPS eta radarren bitartez posible du jakitea lasterketa nondik doan eta motoek harturiko irudia hegazkinera doa zuzenean. Giro eta Tourrean egin izan dute; Espainiako Itzulian ere eginhalak egin dira
».
HELIKOPTEROA BEHERA.
Anekdotak ere ez dira falta; alaiak nahiz tristeak. Duela hamabi bat urte, Ibardinen bukatzen zen etapan, helikoptero bat autopistako kable bat jota behera etorri zen; ondorioz, pilotoa hil eta Andoni Basabe eta Lauzirika lankideak larriki zaurituak izan ziren. Hori ahaztuta,
«sarritan, epaileak gure unitate mugikorrera etortzen dira sprinta kamera geldoan erakuts diezaiegun
» gehitzen du Olazabalek. Beste hainbatetan, motoko gidariak despistatu izan dira,
«baina ez kanpoko itzulietan adina. Tirreno Adriaticon adibidez, duela gutxi ihes egindako tropela okerreko bidetik eraman zuen gidariak
». Desio bakarra dute: eguraldiak lagun gaitzala. Hain juxtu ere, jendeak uste duenaren kontra, okerrena ez baita euria edo hotza izaten, haizea eta behelainoa baizik. Itzulia Tolosan hasi eta Aiako San Pedron amaituko denez, espero dezagun zeruko zaindariak ortzia oskarbi mantenduko duela
Irakurrienak
Matomo erabiliz
#1
Ruben Sánchez Bakaikoa
#2
Gorka Bereziartua
#3
Fátima Letradu
|
Kaiene Inzunza
#5
Mikel Larrañaga Arregi
#6
Cira Crespo
Azkenak
2024-05-28
Euskalerria irratia
Mañeruibarko haur euskaldunak omendu dituzte Euskaltzaindiak eta IKF fundazioak
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
2024-05-28
Euskal Irratiak
Kanboko Marieniako eraikuntza proiektua gaitzetsi dute larunbatean
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Eguneraketa berriak daude