"Udaren hasierak eta 2012aren bigarren erdiak baieztatu zigun urte hau 'horribilis' izango dela berriz ere. Adierazle gutxik bultzatzen dute baikortasuna".

(…)

"Ekonomiako Nobel saridun Krugmanek dioen bezala, Espainia ezer erabakitzen ez duen puntu batera heldu da, eta bere erreskatea, salbazioa eta etorkizuna besteen esku dago. (...) Desastre hutsa da, eta ekonomia espainiarrak atzerrian duen erabateko sinesgarritasun faltak ez du batere laguntzen. (...) Merkatuek eta analistek egintzat ematen dute: iraila erreskate espainiarraren hilabetea izango da”.

(...)

"Ez da harritzekoa euskal eta katalan nazioetan serio eta fundamentuz planteatzen hasi izana, Espainiako Estatuaren parte izateagatik ordaintzen ari garen prezio zorrotza. Eta ez bakarrik alderdi nazionalek, baita jende eta jatorri sozialeko kolektibo askok ere. Aldi berean, Europan geure proiektu propioa edukitzea gero eta positiboago baloratzen da".

(...)

"Hauteskundeak urriaren 21 aurreratuko direla iragarri du abuztuak gure herrian. (...) Egungo Eusko Jaurlaritza gehiengo sozial eta politikoari bizkar emanez sortu zen eta horrela amaitu da. Hori bai, Lopez lehendakariak lehenago bere buruari aitortu dio, zer eta, ETAren amaieraren arrakasta, AEBetara bidaian harrapatu zuena ezustean. Bake prozesua gidatzeari uko egin zion, nahiz eta bere alderdikide Jesus Egigurenek publikoki gida zezan eskatu”.

(...)

"Nahiz eta uste orokorra izan Euskadi Espainia baino hobeto dagoela, eta hala da, egoerak ez du baikortasunik bultzatzen. Langabeziak ez dio hazteari utzi, eta jada %12,1ean dago (Lopezen gobernua %8,1ekin hasi zen 2009an). Ez dago gasturik inbertsio produktiboan eta enpresak suspertzeko laguntzak ez dira ongi erabili. Hori bai, Eusko Jaurlaritzak zortzi aldiz biderkatu du autogobernuaren 30 urteotako zorra (...) baina inork ez daki hau non dagoen ere".

(...)

"Bitartean, Lopezen Gobernuak 'Euskadin ez dira Rajoyren murrizketak aplikatzen' leloarekin darrai, alderdi sozialistarentzat PPrekin hitzarmena egin izanak eragiten dion 'hauteskunde zama' gainetik kentzen saiatuz. Hala ere, Basagoitik behin eta berriz gogoratzen duenez, beraiek izan ziren Lehendakaritzara eraman zutenak".

(...)

"Gure herrian ziklo aldaketaren aurrean gaude. Horretaz ez dago dudarik. Egia da alderdi sozialistaren eta alderdi popularraren arteko hitzarmenak herentzia pozoitua uzten diela Euskadi gobernatu beharko duten hurrengoei, baina ETAren biolentziaren mehatxurik gabe egin ahal izango dugu eta alderdi guztiak lehian. Horrez gain, hazten doan konbentzimentu sozial, politiko eta ekonomiko indartsua dago Euskadin eta mundu osoan: nortasuna defendatzea, gure kasuan euskal nortasuna, ez dago soilik nazio baten ideiaren atzean bakarrik (...), horrekin batera doaz gure garapen ekonomiko eta soziala, modu banaezinean. Horixe izango da gure ziklo berriko eztabaidaren oinarria. Liluragarria”.

Iturria: Cambio de Ciclo, Deian.