Bozka kontaketak hasi dira 18:00tan. Bigarren itzuli honetan ere abertzale ezkertiar batzuk irabaz dezakete auzapezaren aulkia.
Hautagai ezkertiar eta abertzaleek auzapez karguak irabazteko edota gehiegoan kokatzeko aukera handiak dituzte. EH Bai koalizioak ondoko zerrenden alde bozkatzeko konsigna emana zuen bigarren itzulirako:
Azkaine: Azkaine Bai zerrenda, abertzaleak ere biltzen dituen zerrenda irekia.
Hendaia: Kotte Eszenarro sozialistaren zerrenda, abertzaleez ere osaturiko zerrendak akordioa lorturik honekin.
Itsasu: HeriAri zerrenda, Mikel Hiribarren abertzalea buru duela.
Maule: Aitzina Maule Beñat Elkegarai abertzalea buru duela.
Miarritze: Guillaume Barucqen zerrenda –abertzaleez ere osaturiko zerrenda batu zaio Barucqen zerrendari bigarren itzulirako–.
Senpere: Dominique Idiarten zerrenda, abertzaleen zerrenda Idiarti lotu delako bigarren itzulirako.
Urruña: Urruña Elgarrekin, Filipe Aramendi abertzalea buru duen zerrenda irekia.
Uztaritze: Uztaritze Bai Bruno Carrère auzapez abertzalea buru duen zerrenda irekia.
Ziburu: Eneko Aldana abertzalea buru duen Ziburu Bizi zerrenda irekia.
Hauteskunde egunean, oposizioak ohartarazi bi akats nagusi onartu ditu epaileak.
Marie-José Mialocq-ek Arbonako hauteskundeak bigarren aldiz irabazi ditu. 2020ko martxoko bozketan Beñat Arlaren zerrendak helegitea jarri zuen eta auzitegiak onartu. Uztailaren 18an egin dituzte hauteskundeak bigarren aldiz.
Aktualitatea ez zait batere interesatzen –zutabe hauetarako, bistan da; bestela aktualitatearen kontsumitzaile ohikoa naiz, are garaiaren arabera tiraniaren menpekoa–; baina batzuetan iruditzen zait azkar asko ahaztuko dugun txikikeriaren batek erakuts dezakeela... [+]
Bigarren itzuli honetan ere urtetako lanaren emaitza lortu dute abertzale ezkertiarrek: Ziburun, Urruñan eta Itsasun auzapez izango dira. Bozketen lehen itzulian Biriatun eta Donapaleun irabazirik, Uztaritzen eta Baigorrin 2014ko garaipen historikoa berriz ere... [+]
Jean-Rene Etxegaraien zerrendan aurkezteko hautua egin zuen Joseba Erremundegi abertzale eta euskaltzaleak. Justuki abertzale eta euskaltzale den horri luzatu dizkiogu bizpahiru galdera, hautatu duen zerrenda ez delako abertzalea eta eskuinekoak ere dituelako bere taldean.