Zer eskatzen dute gose greban dauden 1.600 preso palestinarrek?
Astelehenean, Preso Palestinarraren eguna zela baliatuta, gose-greba mugagabeari ekin zioten Israelgo kartzeletan dauden 1.600 preso palestinar politikok baino gehiagok.
Preso kopuruarengatik bakarrik deitu du arreta gose-grebak, baina nazioarteko hedabideetan ez da hainbeste zabaldu protestak zein eskari zehatz dituen. Ma'an eta Alternative Information Center-ek eman dute horien berri, hauek dira:
1. Palestinarrentzako telefono publiko bat ezartzea kartzela eta modulu guztietan presoak beren familiekin komunikatu daitezen.
2. Bisitak:
- Bi asteroko familien bisitak berrezartzea; aurreko urtean hilean behinera murriztu zizkieten familien bisitak Gurutze Gorriaren bisitak jasotzeko.
- Familien bi asteroko bisiten erregimena egonkortzea.
- Bigarren mailako senideei bisitak ez eragoztea.
- Bisiten denbora 45 minututik ordu eta erdira luzatzea.
- Presoek beren familiekin argazki bat atera ahal izatea hiru hilero.
- Bisitan dauden presoen familien erosotasuna areagotzeko zerbitzuak eraikitzea.
- Hamasei urtetik beherako seme-alaba eta bilobek bisitak egin ahal izatea.
3. Osasuna:
- Ramlako espetxeko ospitalea ixtea, ez baitu oinarrizko osasun zerbitzurik eskaintzeko baliabiderik.
- Medikuntza axolagabekeriak amaitzea.
- Aldizkako osasun-azterketak egitea.
- Kirurgia baimentzea beharrezkoa denean.
- Mediku adituek presoak arta ditzaten baimentzea.
- Preso eriak askatzea, batez ere tratamendu bereziak behar dituztenak edo eritasun kronikoak dituztenak.
- Presoek beren medikazioagatik ordaindu behar ez izatea.
4. Preso emakumeen eskari eta eskubideei erantzutea.
5. Lekualdaketak:
- Presoak modu gizatiarrean lekualdatzea.
- Klinika edo epaitegietatik espetxera itzultzea presoa, eta ez atxikitzea kontrolguneetan.
- Kontrolguneak gizakientzat prestatzea eta otorduak eskaintzea presoei.
6. Presoen interesak asetzeko telebista kateak ezartzea.
7. Aire egokitua ezartzea espetxeetan, batez ere Megiddo eta Gilboa espetxeetan.
8. Sukaldeak berrezartzea espetxeetan eta preso palestinarren zaintzapean uztea.
9. Liburuak, egunkariak, arropa, janaria eta bestelako gauza bereziak jaso ahal izatea.
10. Isolatze erregimenari amaiera ematea.
11. Atxiloketa administratiboari amaiera ematea.
12. Unibertsitate Hebrear Irekiko hezkuntza programa berrezartzea.
13. Bigarren Hezkuntzako azterketetara era ofizialean aurkeztu ahal izatea.
Addameer preso palestinarren eskubideen aldeko erakundearen arabera, 6.300 preso politiko palestinar daude egun. Azken 50 urteetan 750.000 palestinar atxilotu ditu Israelek, Palestinako estatistika zerbitzuaren arabera. Urte horietan 50 preso hil dira medikuntza axolagabekeriengatik, eta beste 70 torturengatik.
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]
Abu Youssef Al-Najjar Ospitaleko zuzendari Marwan Al-Hams kanpainako ospitaleen arduraduna da eta Gazako Osasun Ministerioko bozeramailea. Uztailaren 21eko arratsaldean atxilotu dute Israelgo Indar Armatuek.
"Oinarrizko premiak bilatzen dituzten bitartean zibilak, haurrak barne, anker hiltzea" salatu dute. Gazan hamabost pertsona hil dira gosez azken 24 orduetan, eta AFP albiste agentziako kazetariek ohartarazi dute euren lankideak gosez hiltzen ari direla zerrendan,... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Gazako Osasun Ministerioaren arabera, Israelek 2023ko urrian zerrendaren aurkako oldarraldia gogortu zuenetik 86 palestinar hil dira gosez, horietatik 76 haurrak. Manifestazioak egin dituzte hainbat herrialde arabiarretan, Gazarako su-etena aldarrikatzeko eta palestinarrek... [+]
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]