“Zarramarra” irratsaio umoretsua estreinatuko dute Oñatin hilaren 5ean
"Umore oñatiarra, herrittik herrixantzat sortua", diote irratsaioaren Twitter kontuan. "Aitta ta ama primuak euki arren, beste hainbat misterixo badittugu, eta horreik argiketara etorriko gara!".
aurre egingo dieten hedabide independenteak
Aste honetan hasita ostiralero, 15:30etik aurrera, Zarramarra programaren saio berria izango da entzungai Youtube, Ivoox eta Spotify kanaletan. Halaber, Twitter eta Instagram kontuetan programaren inguruko albiste eta eduki bereziak zintzilikatuko dituzte.
Umorea sortu eta zabaldu asmoz, Oñatiren inguruan egun mantentzen diren topiko edo esaera desberdinei erantzunak ematen saiatuko da herritar talde bat. Saio bakoitzak 40 minutu inguruko iraupena izango du, eta gonbidatu "saltsero" desberdin batek parte hartuko du atal bakoitzean. Lehenengoan, esaterako, Aratz Losada Oñati Irratiko esataria izango da protagonista. Datozen asteetan Antton Telleria telebista aurkezle eta irrati esataria, edo Iñigo Ugarte musikari oñatiarra gonbidatuko dituzte, besteak beste.
Plazaratutako oharrean diotenez, "Oñati herria Gipuzkoa lurraldeko herririk handiena da eta, gainera, Euskal Herriko inperioan sartzen azkena. Hor hasi zen guztia, Euskal Herrian sartu ginenean: Arrasatekoek eta Bergarakoek Elorregi (San Prudentzio) auzoa zeharkatu zuten, Legazpiarrek gure herria zapaldu zuten… eta bertakoa ikusi eta topikoak sortu zituzten, gainontzeko herrietara zabalduz. Ohikoenak “Aitta eta Ama primuak” eta “Kuba-txiki”dira". Horiek eta beste hainbat izango dituzte hizpide irratsaioan. Oharraren bukaeran, abisua: "Guk ez dugu Aloña Mendi goratzen, eta ez, gure umoreak ez du limiterik".
Zuzenekoak helburu
Hamabi lagunek osaturiko taldeak pasa den azaroan jarri zuen abian Zarramarra proiektua. COVID-19ak eragindako ezohiko osasun egoera honetara moldatu eta jendeak programaren esentziaren berri izateko hainbat irratsaio zintzilikatuko dituzten arren, jendaurrean aritzea da euren asmoa.
Zuzeneko lehenengo emankizuna aurtengo azarorako dute aurreikusita; hala ere, bizi dugun egoeraren eboluzioaren arabera hartuko dute behin-betiko erabakia.
Hasi ginenean ez genuen urrik ere emango, baina Beranduegi iritsi da bere seigarren denboraldira. Eta oraingoan, babesle eta guzti: Reparaz autoak. Guk ere agindu bat jaso dugu, George Orwellek San Mames betetzeko esan digu, baina gure aurretik Pellori utziko diogu, eta... [+]
Itsuki Irratia Bermeoko ahotsa izan zen 1985etik 2022ko otsailera arte. Orduan, zailtasun ekonomiko eta teknikoek proiektua bideraezin bihurtu zuten, eta irratiaren itxiera ekarri. Baina urtebeteko berrantolakuntza prozesu baten ondoren, irailaren 1ean berriro martxan jarri dute.
Landareen inteligentziari buruzko eztabaidak hor jarraitzen du, eta podcast honetan gustatzen zaigun gaia denez, berriro ere ekarri egin dugu. Memoria, kontzientzia eta komunikazioa gauzatzeko gaitasuna gizaki eta animaliez gain landareek ere ba ote duten da oraingo ikerketa... [+]
Espezieei buruz aritu gara gaurkoan. Aurreko saioetan ere aipatu izan ditugu, baina gaurkoan ikerketa bat ekarri dugu, datu interesgarri asko dituelako. Kurkuma, kanela eta jengibrea oso ohikoak ditugu gure artean, baina badira espezietzat jotzen diren sendabelarrak ere (ezkaia,... [+]
Erramua, nardoa, benjui, mirra, sandaloa, garia, isipu-belarra eta halakoak hartu ditugu ahotan gaurko saioaren hasieran. Aste Santuari eta erlijio katolikoari loturikoak denak ere, sinbolismo handikoak, eta gure egunerokoan arruntak direnak, nahiz askotan ez dakigun izenik... [+]
Garoa atzeraka eboluzionatzen ari dela irakurri dugu, eta beste behin, filosofatzeko atea ireki digu horrek. Harvard Unibertsitateko ikerketa batek ekarri du albistea, 360 milioi urte dituen espezieak eboluzioaren inguruko ideiak auzitan jarri dituelako. Eboluzioa... [+]
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Inspirazio bila hasi gara urte berriarekin, podcasterako ideiak behar ditugu. Horregatik, musek guri bisita egiteko zain egon gabe, guk egin diegu bisita haiei.
Honako abestiek inspiratu gaituzte gaurkoan:
Hercules - 'The Gospel Truth'