ARGIA.eus

2020ko irailaren 20a

'Zaintzaldia' egingo dute erresidentzietako langileek, grebaren berri emateko

  • Gipuzkoako zahar etxeetako langileek euren “lan egoera prekarioa salatzeko eta gainditzeko” 30 eguneko greba deialdi berria egin zuten joan den irailaren 19an, eta urriaren 18ra arte luzatuko dute. 67. Zinemaldia dela eta ELA sindikatuak eta grebalariek “sozializazio ekintza berezi bat” antolatu dute: Zaintzaldia izeneko jaialdi alternatiboa. Hilaren 25etik 27ra egingo dute Saguesen, eta hainbat jarduera antolatu dituzte. “Emakume prekario gisa, gure pelikula kontatu nahi dugu”, adierazi dute.

Irutxuloko Hitza @irutxulo
2019ko irailaren 24a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.

Txandakako greba hasi zutenetik urte bat baino gehiago pasa da, eta oraingo txanda amaitzean, 118 greba egun beteko dituzte zahar etxeetako langileek. Grebalariek gogorarazi dute euren borroka “borroka feminista” dela, maskulinizatutako sektoreekin soldata arrakala bukatzen eskatzen dutelako. Era berean, “langile borroka” ere badela aldarrikatu dute, urte bat baino gehiago daramatelako “erakunde eta patronalen aurka borrokatzen”. “Gurea bizitzaren aldeko borroka da, gure gizartearen lehentasunen erdian pertsonen zaintza jartzea nahi dugulako, jaiotzatik azken egunera arte”, gaineratu dute.

Asteazkenetik ostiralera euren aldarrikapenak kalera aterako dituzte erresidentzietako langileek, eta herritarrei haiekin bat egiteko deialdia egin diete. Halaber, sare sozialen bitartez elkartasuna adierazteko modu bat ere proposatu dute: elkartasun argazkiak eta mezuak sare sozialetara igotzea, #Zaintzaldia eta #ErresidentziakBorrokan traolekin batera. 

Hona hemen Zaintzaldiaren egitarau osoa:

Irailak 25, asteazkena

11:30 Manifestazioa, Kursaletik Saguesera.

12:30 Besarkada feminista langileen artean.

16:30 Proiekzioa eta solasaldia: Merci Patron (François Ruffin).

19:30 Zumba feminista.

Irailak 26, osteguna

11:30 Argazki kolektiboa, Zurriolan.

16:00 Proiekzioa eta solasaldia: Pan y rosas (Ken Loach).

19:00 Erromeria feminista ibiltaria.

Irailak 27, ostirala

10:30 Borroka zabaldu.

14:00 Paella herrikoia.

16:00 Proiekzioa eta solasaldia: Pride (Matthew Warchus).

18:30 Sari banaketa eta karaoke erraldoia.

Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.

Gipuzkoako zahar egoitzetako gatazka kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude