2020ko ekainaren 02a
Bartzelonako FAT Konferentzia Teknologikoan algoritmoen zuzentasun, ardura gardentasun adituak batu dira. Bertan aurkeztutako ikerketa baten arabera, YouTubek erabiltzaileak eskuin-muturreko edukietara bideratzen dituela ondorioztatzeko “ebidentzia argiak” daude.
Plataforma digitaleko ia 350 kanaletik 340.000 bideo eta hauetako iruzkinak, 72 milioitik gora, aztertu dituzte Lausana (Suitza), Harvard (AEB) eta Minas Gerais (Brasil) unibertsitateetako adituek. Hiru komunitatetan banatutako edukia izan da aztertu dutena: Intellectual Dark, "politikoki zuzenak ez diren" gaiak lantzen dituztenak, baina eskuineko ideiak onartu gabe; alt-lite eskuineko ideologia berriak dituztenak; eta alt- right eskuin-muturrekoak.
Ikerketa egin ostean, ondorioztatu dute lehenengo bi taldeetako erabiltzaileen %26a eskuin muturreko taldeko erabiltzaile bilakatu dela, YouTubeko gomendioek horrela bultzatuta. Eskuinerako bira honek 2016tik gorakada izan du, Donald Trump, AEBtako presidente izendatu zuten urteko testuinguru politikoak lagunduta.
YouTubek, bere aldetik, ez ditu emaitzak onartu, esanez ikerketak ez dituela kontuan hartu plataformak algoritmoan egindako aldaketak gorroto-diskurtsoei eta desinformazioari dagokionez.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
