Urtarrilaren 1ean hasiko da Info7 irratiaren ordezkoa

  • Abenduaren 15ean amaitu zituzten emisioak, eta euskara hutsezko irrati libre baten sorrera iragarri zuten, xehetasun gehiagorik eman gabe. Bizkaian eta Gipuzkoan hasiko dira.

Gorka Pe˝agarikano @gorkap34
2018ko abenduaren 28a

Urte berriarekin batera etorriko da, Euskal Irrati Zerbitzuak enpresaren eskutik, Info7ren ondorengoa izango den egitasmo berria. Babesle nagusitzat Hamaika Telebista, Gara eta Euskal Komunikabideen Hedapenerako Elkartea (EKHE) izango dira. Info7k bezala, ikuspegi nazionala oinarritzat hartuta, euskara hutsez arituko dira. Gaur-gaurkoz, jakina dena da Euskal Herriko bost ingurutan hasiko direla, Bizkaian eta Gipuzkoan: Bilbon eta Durangaldean, eta Donostian, Beasainen eta Azkoitian.

Eider Olazar Info7ko kazetariak esan bezala, proiektua “progresiboa” izatea espero dute, urtarrilean lehen emisioekin hasi eta udaberri ingururako “osatuago eta zabalago” aritzeko. Dena dela, oraindik ez dute zabaldu irrati berriaren izena, baina lantaldea Info7koan oinarrituko da, eta Donostian izango du estudio nagusia. Zehatz esanda, Zuatzu gunean. Arrosa sarearekin lan egingo dute, Info7k egin ohi zuen bezala. Bestalde, esan dute irrati berriak oraindik ez duela baimenik lortu Lapurdi, Nafarroa Behera eta Zuberoan emititzeko, baina horretan dihardutela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Info7 irratia  |  EAE

Info7 irratia kanaletik interesatuko zaizu...
Eguneraketa berriak daude