Urre berdea ateratzeko, errota berri bat
Oliba biltzeko eta ehotzeko kanpaina ondo hasi da Erroizen, eta dolare berrian kalitateko 80.000 kilo oliba inguru jasotzea espero du Mikel Izagirrek.
Azaro eta abendu artean olibak arbolatik hartu eta dolarean sartzeko garaia da Arabako Errioxan; hortaz, lana amaitzeko tenorean izango dira egunotan Lantziegoko Erroiz errotan. Azaroa amaieran 50.000 kilo oliba inguru jasota zituen Mikel Izagirrek, eta 40.000 gehiago jasotzea espero zuen, kanpaina amaitu baino lehen. "Lehenengo urtea izateko oso marka ona egiten ari gara", aitortu dio ALEA aldizkariari.
Bi urteko prozesu administratibo konplexuaren ostean zabaldu ditu ateak Lantziegoko olio-errota berriak. Negozioak martxan jartzeko eta ekintzailetza sustatzeko lau haizetara zabaltzen diren mezuen atzean dagoen benetako errealitatea ezagutu du Erroiz dolareko jabeak; eta ez da samurra. "HAZIra jo genuenean proiektua interesgarria zela esan ziguten hasiera-hasieratik, olibondoa sustatu nahi dutela Arabako Errioxan, gazteen ekimena… baina errealitatea da oso zaila dela pausuak ematea, oso motela da prozesua, hilabete asko itxoiten pasa dugu; inbertsioak egiteko eskatzen ziguten, jakin gabe aurrera egin ahal izango genuen. Zorionez, honetaz aparte beste lanpostu batzuk ditugu, bestela ezinezkoa litzateke".
Bidean aurkitu duten traba handienetako bat lizentzia lortzea izan da, Arabako Errioxan legedi berezi bat baitago upeltegia ez den negozioa zabaltzeko. Gainera, dolarea kokatzeko pabiloia herri-eremutik kanpo egoteak are gehiago trabatu du bidea.
Oztopoak-oztopo, martxan da Lantziegoko errota berria; hain zuzen, olibadiaren inguruan eskualdean ematen ari den mugimenduaren adibidea. "Asko landatzen ari da, mahastiak lizentzia behar duelako, eta olibondoak ez. Lursail txiki bat duenak landatzen ditu". Dena den, Izagirrek berak azaldu duenez, zaila da Arabako Errioxan mahastiaren inguruan dagoen kulturarekin lehiatzea, eta kostatzen da jendea olibadiaren landaketa hobetzen joateko konbentzitzea: "Inausketak zaintzeko, oliba behar denean jasotzeko eta errotara garaiz eramateko animatu behar da jendea, baina martxan gaude".
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
Larunbat honetan Gasteiz Euskararen Hiria ekimenak hartuko du Gasteizko Andre Mari Zuriaren plaza. Goizean hasi eta gauera arte, “euskararen aldeko festa handia” izatea nahi dute euskalgintzako eragileek, kirol jarduerak, kultur emankizunak edo arratsaldeko... [+]
Arabako Foru Aldundiak adierazi du litekeena dela irailaren 21ean irekitzea epea hautagaien zerrendak aurkezteko.
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
Araba eta Nafarroa zeharkatu behar zituzten goi-tentsioko bi linea elektrikoren proiektuak ez dira gauzatuko. Espainiako Trantsizio Ekologikorako Ministerioak Aragoiko Tueste herrian Forestaliak egin behar zituen lau poligono eolikoen proiektuak artxibatu ditu.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Gizona Bilorian (Araba) hil dute, ustezko hiltzailea atxilotu dute Añanan (Araba).
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.