Koldo Zuazo eta Urtzi Goiti dira egileak eta Bizkaiko hiru eskualdeotako hizkerez gramatika, hiztegia eta mapak bildu dituzte.
EHUk argitaratu du 189 orrialdeko liburua. Uribe Kosta, Txorierri eta Mungialdea euskararen ipar-mendebaleko ertzean daude, eta egileen arabera, hizkera berezia da. Hiru eskualdeetan 25 herri biltzen dira, hala nola, Leioa, Zamudio, Derio, Mungia eta Getxo.
Liburuak hiru atal ditu. Lehenengoan gramatika landu dute, bigarrengoan hiztegia, eta hirugarrengoan egitura dialektala. Hiru atalez gain 41 mapa ditu liburuak.
Apirilean Hiruka Uribe Kostako agerkari digitalak elkarrizketa egin zion Koldo Zuazori www.euskalkiak.eus webgunearen aurkezpenaren harira. Elkarrizketa hartan Zuazok euskalkiez orokorrean eta zehazki Uribe Kostako euskalkiaren egoeraz eta ezaugarriez hitz egin zuen. Lotura honetan duzue Hirukak argitaratutako elkarrizketa.
Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.
Mikel Perez Gonzalez hizkuntzalaria hitz egiterakoan erabiltzen den kode alternantzia aztertzen ari da, alegia, euskaldunek nola nahasten dituzten euskara eta gaztelania. Alternantziaren arrazoietako bat euskara gaitasuna da, baina Perezek gehiago ere kontatu ditu.
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.