Unai Etxebarriaren aldeko elkarretaratzea egin dute Algortan
Ehunka lagun bildu dira igandean Algortan Etxebarriari babesa adierazteko, Altsasuko gazteen aldeko kamiseta eramateagatik Granada C.F. futbol taldetik kanporatua izan ostean.
Ehunka lagun bildu dira igande honetan Algortan Unai Etxebarria atezaina babesteko, Gu Ere Bai euskal selekzioen ofizialtasuna eskatzen duen elkarteak deituta.
Aste honetan bertan Granadak berak jakinarazi duenez, euskal atezaina ez da gehiago arituko taldean. Altsasuko gazteen kamisetaren harira piztutako polemikarekin lotutako erabakia izan dela aitortu dute.
Igande honetako elkarretaratzean, hain zuzen ere, gertakaria salatu eta “adierazpen askatasuna” aldarrikatu dute. Lagun ugarik sare sozialen bidez ere babesa helarazi diote Etxebarriari. Jokalaria esker oneko azaldu da Algortako deialdira joan diren guztiekin.
Eskerrik asko adierazpen askatasunaren alde Algortara hurbildu zareten guztioi. https://t.co/J4A8e8pV5Q
— Unai Etxebarria (@13unai) August 30, 2020
Auzia Espainiako Kongresura
EAJk gaia Espainiako Diputatuen Kongresuan aurkeztea erabaki du, izan ere, zalantzak ditu Etxebarria ez ote duten “arrazoi ideologikoengatik diskriminatu”. Hori hala izatekotan, “eskubideen urraketa” kasu baten aurrean leudekeela argudiatu du, eta Espainiako Gobernuak zenbait galderari erantzun beharko diela. Lehenik eta behin, kaleratzeak lan legedia errespetatzen duen galdetu dute. Bigarrenik, halako gertakariek lan ikuskaritzaren arretarik merezi duten jakin nahi du EAJk. Azkenik, urraketa egotekotan, “ea onartzen duen” galdetu dio Espainiako Gobernuari.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]