Talentua dute barruan
Gazteek sormenerako duten gaitasuna eta ilusioa ikusteko aukera paregabea izan zen Barrutik Kanpora ikuskizuna, Bilboko Campos Antzokian. Udalak eta Euskaltzaleen Topaguneak urtero antolatzen duten Harrapazank programaren barruan, orain modan dauden talent show direlakoen antzeko lehiaketa egiten dute, 12 eta 18 urte bitarteko gazteak euskarazko aisialdira erakartzeko. Camposeko oholtzan batu ziren aurtengo edizioko onenak.
aurre egingo dieten hedabide independenteak
Publikoan 300 lagun baino gehiago, guraso, adiskide, ikaskide eta abar. Entsegu gogorren ostean, hitzordu serioa iritsi zen gazteentzat. Erritmo biziko ikuskizunean, dantza, kantua, musika, bertsoak, malabarismoak eta magia tartekatu zituzten, eta jendeak txaloz eskertu zuen neska-mutilen ahalegina. Talent-a badutela erakutsi zuten show eder hartan.
Mezu positiboz betetako ikuskizuna izan zen. Gazteek gustuko dantzak eta kantuak egokitu zituzten, gaur egungo joera musikalen inguruan dauden aurreiritziak apurtuz. Esate baterako, Ya no quiero ná abesti famatua Ez dot gura ezer bihurtuta abestu zuen Nagore Rondónek, 21 Taldearen koreografia energikoak lagunduta. Perfektaren dantza harrigarriak izan ziren Barrutik Kanpora ikuskizuneko beste une gorenetako bat. Hain gaztea izanik, agertokia betetzeko gauza izan zen bakar-bakarrik.
Eztanda taldearen kasua ere aipatzekoa da. Nagusien multzokoak dira hauek, Harrapazanken parte hartzeko adina ozta-ozta ez dute gainditzen. Baina, aurten eman dute izena lehenengoz, eta irabazi. Sariaren diruarekin, maketa prestatzen ari dira. Beren doinu eta erritmoek girotu zuten Camposeko arratsaldea.
Parte hartzaileen laguntzaile eta erreferente izan ziren, entseguetan zein ikuskizunean bertan, artista beteranoago batzuk. Iholdi Beristain, adibidez, ETBko Go!azen saioan ibilitakoa da, baina tartea hartu zuen Bilboko gazteekin batera agertokira igotzeko. Bestetik, Vera Alonso Harrapazankeko parte hartzaile izan zen nerabea zela, ondoren epaile ere aritu zen eta, oraingo honetan, oholtzara itzultzea egokitu zitzaion, kanturako dituen dohainak agertzeko. 2018an bere buruaz beste egin zuen Ekai Ondarroako gazte transexualari eskaini zion abestia Alonsok, adiskide eta bidelagun baitzuen. Momentu ederrez betetako ikuskizunean, hura izan zen hunkigarriena.
2020an 15. edizio biribilera helduko da Harrapazank. Berriro hasiko dira kanporaketak, finalak, gaitasunak hobetzeko saioak... Dozenaka bilbotar gazte beren talentua erakusteko prest. Ea Barrutik Kanpora ikuskizuna berriz antolatzen duten, aurtengoak zapore gozoa utzi du eta.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Fitxa: Musika Hamabostaldia. Victoria Eugenia Zikloa. Mitsuko Uchida (pianoa).
Egitaraua: Beethovenen hiru azken sonatak.
Lekua: Donostiako Victoria Eugenia Antzokia.
Data: abuztuaren 18a.
Mitsuko Uchidak Musika Hamabostaldia bisitatzen duen hirugarren aldia da. Bere estiloak... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Zer: Euskadiko Orkestra
Zuzendaria: Diego Martin-Etxebarria. Easo Abesbatza
Zuzendaria: Gorka Miranda
Bakarlariak: Arantza Ezenarro, Gillen Munguía, Marifé Nogales, Lucía Gómez, Juan Laborería, José Manuel Díaz, Darío Maya, Luken... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zer: Orquesta de la Comunitat Valenciana.
Zuzendaria: Mark Elder. Donostiako Orfeoia.
Zuzendaria: José Antonio Sáinz Alfaro.
Bakarlariak: Federica Lombardi (sopranoa), Paula Murrihy (mezzoa), Xabier Anduaga (tenorea), Will... [+]
Zer: Orquestra de la Comunitat Valenciana
Zuzendaria: Mark Elder
Bakarlaria: Nelson Goerner (pianoa)
Egitaraua: Txaikovsky eta Xostakovitxen lanak
Lekua: Kursaal Auditorioa, Donostia.
Data: abuztuaren 3a.
-------------------------
Orquestra de la Comunitat Valenciana... [+]
Zer: “Requiem (s)”. Ballet Preljocaj.
Koreografia: Angelin Preljocaj.
Eszenografia: Adrien Chalgard.
Argiztapena: Éric Soyer.
Jantziak: Eleonora Peronetti.
Bideoak: Nicolas Clauss.
Lekua: Kursaal Auditorioa, Donostia.
Data: abuztuaren... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Musika-eszena antikomertzialean alea jartzeko asmoz sortu dute Aurka kolektiboa. Martin eta Katalin kideekin hitz egin dugu arlo horretako kolektiboen loraldiaz, musika politizatuaz eta musikaren potentzialitateez, industria musikalaz, makrojaialdiez eta beste.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]