Subilla Gasteizeko herritarrei protagonismoa emanez hasi da Frackanpada
Ekitaldi xume batez abiatu da uztailaren 19ra arte Subillako zelaietan egingo den frackingaren aurkako kanpaldia. Hain zuzen ere, bertako herritarrek mobilizazioa antolatzeko eman dituzten erraztasunak eskertu ditu Fracking Ez plataformako bozeramale Mikel Oterok.
Subillatarren inplikazioa frackingari aurre egin dioten milaka euskal herritarren ikurtzat jo du Oterok. “Ez genuen frackingaren aldeko lobbyaren eta industriaren aurka egiterik izango herriaren botereaz baliatu ezean”, esan du bertaratutako 50en bat lagunen aurrean.
Frackanpadaren nazioarteko izaera ere nabarmendu dute hasierako ekitaldian. Manchester inguruan haustura hidraulikoaren aurkako borrokan diharduen Rachel Thompsonek adierazi duenez, “jakin badakigu borrokaren hurrengo zikloa aurrekoak baino zailagoa izango dela , baina batera lan eginda mugimendu sendoa ehuntzeko gauza izango gara”.
Arratsaldean hasiko dira eztabaida saioak, horietan lehenbizikoa “Euskal Herriko Ama Lurraren aldeko borrokei” eskainia. Azken 40 urteetako hainbat egitasmo eta haien kontra sortutako erantzunak izango dituzte gogoan (Lemoiz, Leitzaran, Itoitz, AHT…) Juantxo Estebaranz militante ekologistak gidatuko duen eztabaidan.
Frackanpadaren egitarau osoa hemen
Amaitzear dago astebetez Subillako zelaiak aldarrikapenez, hitzaldiz eta eztabaidaz bete duen Frackanpada. Igande arratsaldean egingo den balorazio batzarraren zain, antolatzaileak pozik agertu dira lortutako emaitzarekin. 300 bat lagun inguru izan dira bertan kanpatuta, eta... [+]
Tokian tokiko trantsizio energetiko jasangarriaren aldeko taldea, horixe esan nahi dute TESLA siglek. Maria Olteanu, elkarteko presidentea, Bukarestetik iritsi da Frackanpadara, Errumaniako hiriburutik 100 kilometrora dagoen Pungești herriko borrokaren berri ematera... [+]
Rachel Thompson Manchester inguruan bizi da (Ingalaterra), frackingak mehatxatutako eremu batean. Astelehenean, Frackanpadaren hasiera ekitaldian, ekimenaren aurkezle lanak egin zituen Thompsonek. “Jakin badakigu borrokaren hurrengo zikloa aurrekoak baino zailagoa izango... [+]
Frackanpadako hirugarren egunean hitz egin dugu Fracking Ez plataformako bozeramale Mikel Oterorekin. Tantaka-tantaka, jendea Subilla Gasteiz ondoko zelaietara hurbilduz joan da; hau idazteko unean 300 lagun inguru dabil haustura hidraulikoaren aurkako nazioarteko mobilizazioan,... [+]