ARGIA.eus

2022ko urtarrilaren 29a

Osakidetzako azterketan euskararen garrantzia jaisteak alderdi eta sindikatuen kritikak sortarazi ditu

  • Azterketa ereduaren aldaketak euskaldunak "mespretxatzen" dituela, eta euskaldunen hizkuntz eskubideak urratzen dituela salatu dute LAB, Aralar, EA eta EAJk.

2011ko uztailaren 28a
Rafael Bengoa Osasun sailburua prentsaurreko baten ondoren

Gogor kritikatu dituzte euskal sindikatu eta alderdiek atzo Rafael Bengoa Osasun sailburuak aurkeztu zituen aldaketak, Osakidetzako azterketaren inguruan.  Halako neurriekin Jaurlaritzak euskara bigarren mailako hizkuntza gisa hartzen duela salatu dute, eta euskaldunen hizkuntz eskubideak urratzen direla.

Euskara jakin gabe, Osakidetzan "benetako eta kalitatezko" zerbitzu bat ematea ezinezkoa dela salatu du LABek, eta Jaurlaritzak PPrekin duen akordioak aldaketan eragina daukala nabarmendu du, "Basagoitiren aginduei men eginez aurkeztu du Bengoak halako lan eskaintza publiko bat". Bestalde, orain dela hilabete batzuk lan eskaintza publikoak egiteko eredu bat proposatu ziola Jaurlaritzari adierazi du. "Frustrazioak eta aurreikuspen faltsuak saihestu eta aurkezten zirenek ahalegin bikoitza egin behar ez izatea nahi genuen (...), badirudi Bengoari presa sartu zaiola Osakidetzan gauzak ondo lotuta uzteko".

Juanjo Agirrezabala EAko legebiltzarkidearen arabera, "osakidetzan euskaldunak bigarren mailako herritar gara oraindik", eta Osakidetzaren euskalduntze prozesuan "atzerapausoa" da lan eskaintza berria.

Aralarko legebiltzarkide Dani Maeztuk salatu du gaur egun "ohikoa" dela Osakidetzan euskarazko zerbitzua ezin jasotzea. "Ez du onartzen herri honetan bi hizkuntza ofizial ditugula", gaineratu du, Bengoari erreferentzia eginez.

EAJko ordezkariak ere egin dituzte adierazpenak. Iñaki Gerenabarrena Araba Buru Batzarreko (ABB) presidenteak Bengoari egotzi dio euskara "elementu folkloriko bat" balitz bezala tratatzea. Josune Gorospe eta Garbiñe Mendizabal alderdi bereko legebiltzarkideek, berriz, adierazi zuten neurriaren helburua PPren nahiak asebetetzea dela. Bestalde, "iraingarritzat" jo dituzte atzo Bengoak esandakoak: "Iraingarria da Bengoak esatea Osakidetzako euskalduntzea oso azkar doala. Erabateko mespretxua erakusten ari zaie euskaldunei".


Azkenak
Jokin Bildarratz
"Haurrak ez dira dianan jarri, bilatu da defentsa gutxiago zituztenak babestea"

Pandemia garaiko hezkuntza protokoloen eraginkortasunaz, umeei ezarritako neurriez eta ikastetxeetako lan kargaz galdetu diogu Eusko Jaurlaritzako Hezkuntza sailburuari. Curriculuma, Euneiz eta konpetentziak ere izan ditugu hizpide, baita Legebiltzarrean egosten ari den... [+]


Nazionalismo espainiarraren armak gerra kulturala irabazteko

Hamarkada hau arma sinboliko berriak karga-karga eginda abiatu du nazionalismo espainiarrak. Sumatzen da. Sentitzen da. Zenbatu daiteke. Baina nola lortu dute eztabaida publikoan horrela eragitea? Pablo Batalla Cueto historialari eta idazle asturiarrak iaz argitaratu zuen Los... [+]


2022-01-30 | Julen Azpitarte
David Wojnarowicz
Rimbaud-en mozorropean hazitako artista disidentea

David Wojnarowicz (New Jersey, 1954 - New York, 1992) artista estatubatuarrak  hizkuntza, baliabide eta egiteko moduen arteko mugak hautsi zituen bere obran, zeina 1980ko hamarkadan garatu zen. Diziplina anitzeko sortzaile, artista bisual, poeta, idazle, musikari,... [+]


Ezetz astea ondo bukatu
Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude