Sexu eraso bat egitea leporatuta, gizonezko bat atxilo Basaurin

  • Ustezko erasotzailea biktimaren etxera joan zen sexu harremanak izateko asmoz; emakumearen ezezkoaren ostean eraso zion. Epaileak urruntze agindua ezarri dio.


2016ko abuztuaren 04an - 10:23

Eusko Jaurlaritzako Segurtasun Sailak jakinarazi duenez, Ertzaintzak 35 urteko gizonezko bat atxilotu du Basaurin, emakumezko bati sexu eraso bat egitea egotzita. Biktimak aurpegian eta belaunetan zituen zauriak artatu zituzten Galdakaoko erietxean, eta hura jakinarazteko deiak abiatu du poliziaren ikerketa.

Ertzaintza erietxera azaldu zenean, biktimak azaldu zuen ustezko erasotzailea bere etxera joan zela sexu harremanak izateko asmoz. Haren ezezkoaren aurrean, lurrera bota eta gorputz atalak ukitzen hasi zitzaion. Ahoa ere estali zion, arnasa hartzea zailduz.

Emakumezkoak alde egitea lortu zuenean, ustezko erasotzaileak ihes egin zuen etxetik. Jazotakoaren berri izandakoan abiatu zuen ikerketa Ertzaintzak, eta astearteko 10:00ak aldera atxilotu du. Arratsaldean Bilboko auzitegian epaitu, eta urruntze agindua ezarri dio epaileak.

 


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude