Sexu berekoen arteko ezkontza, Erresuma Batuan ere legezko

  • Pasa den otsailean Eskoziak onartu moduan, Ingalaterran eta Galesen ere joan den astetik legezkoa da sexu berekoen arteko ezkontza. Alderdi nagusien babesa izan du lege aldaketak eta dagoeneko ospatu dituzte lehenengo eztei homosexualak.


2014ko martxoaren 31n - 00:00
Azken eguneraketa: 2015-02-26 13:37:33
Sexu berekoen arteko lehenengo ezkontzak legea onartu eta berehala ospatu ziren.

David Cameron lehen ministroaren hitzetan, une garrantzitsua da: "Errespetu, tolerantzia eta berdintasun baloreen tradizioak harro ohoratzen jarraituko dituen herrialdea garela gogoratzen digun unea".

Nick Clegg liberaldemokrata eta gobernu-kidea ere pozik agertu da, bere alderdiaren babesa izan duelako erreformak. "Koalizioan sartu izanak hau onartzeko balio izan badu, niretzat merezi izan du".

Ed Miliband lider laborista ere harro dago erabakiarekin, nahiz eta azpimarratu duen berdintasunaren aldeko borroka oraindik ez dela bukatu.

Elizak onartu egin du erabakia

Canterburyko artzapezpiku Justin Welbyk legedi berria onartu eta Elizak Parlamentuaren erabakiak bere egingo dituela adierazi du: "Legea aldatu egin da eta egoera onartzen dugu".

Gazteentzako mezua

PinkNews LGBT webgunean artikulua idatzi du David Cameronek, Legeak jendearen maitasuna banantzen duenean, legea aldatu egin behar da izenburupean. Artikuluan dio beretzat oso une garrantzitsua izan dela: "Zortea izan dut, bizitza osorako bikotekide zoragarria aurkitu dudalako Sam-engan (...) Maitasuna, babesa, egonkortasuna eta zoriontasuna ikaragarria da. Hori Estatuak ezin dio inoiz inori ukatu, bere sexualitatean oinarrituta".

Cameronen hitzetan, lege berriak "mezu boteretsua bidaltzen die beren sexualitateaz zalantzak dituzten gazteei. Argi eta garbi esaten die 'berdina zara' heterosexual nahiz gay izan. Hori oso garrantzitsua da, jendeak bere sexualitateagatik beldurra sentituko ez duen giroa sortzeko".

Hala ere, lehen ministroak gogoratu du oraindik erronkak gelditzen direla bide honetan eta "beti bezain konprometituta" jarraitzen duela "homofobiak eragindako jarrera, eraso, gorroto eta hilketei zurekin batera aurre egiteko".

 


Kanal honetatik interesatuko zaizu: LGBTI
LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Elena Guinea. Guztiontzako guneak sortzen
“Taberna bat edukitzea ardoak ateratzeko bakarrik, paso”

Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


2024-01-08 | ARGIA
LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik

Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude