Sexu bereko bikoteen ezkontzek argi berdea AEBetan

  • Ezkontza “soilik emakume eta gizonezko baten arteko batasun legaltzat” jotzen duen DOMA legea baliogabetu du AEBetako Auzitegi Gorenak. Kalifornian ezkontza homosexualak debekatzen dituen lege-proposamena ere bertan behera uzteko erabakia hartu dute epaileek. Haatik, gainontzeko estatuek sexu berekoen arteko ezkontzak onartu edo debekatzeko aukera izango dute oraindik. Bi kasuetan, bederatzi epaileetatik bostek babestu dute erabakia.


2013ko ekainaren 27an - 00:00
Azken eguneraketa: 2015-02-26 13:37:33
Kalifornian sexu bereko ezkontzak legezko dira Auzitegi Gorenaren erabakiaren arabera (Argazkia:oregonlive.com)

Bill Clintonen Gobernuak 1996an onartu zuen DOMA legearen aitzakian, senar-emazte heterosexualei ezkondu homosexualek ez dituzten eskubideak aitortzen zaizkie. Presidente ohiaren ustetan legea “diskriminatzeko” erabili da eta indargabetzeko eskatu du. Auzitegi Goreneko bozeramaileak adierazi duenez DOMA legeak “konstituzioa urratzen du”.

Kaliforniako estatuan 2008an onartu zen sexu berekoen arteko ezkontza, baina urte bereko azaroan egindako erreferendumean debekatzeko proposamena gailendu zen. 2010ean Auzitegi Federal batek debekua baliogabetu zuenean, Kaliforniako Gobernuak proposamena defendatzeari uko egin zion, eta homosexualen eskubideen aurkako talde batek jarraitu du auzibidearekin. Auzitegi Gorenak ordea, Kalfiorniako Gobernuak uko egin zionez, herritarrek auzibidearekin jarraitzerik ez dutela ebatzi du.

Barack Obama AEBetako presidentearen ustetan, Auzitegi Gorenaren erabakia “aurrerapausoa” da. Sexu berekoen arteko ezkontzaren aldeko hainbat mezu zabaldu ditu Twitter bidez: “Denok izan behar genuke maite dugun pertsonarekin ezkontzeko aukera”.

Kaliforniakoarekin, hamahiru dira sexu berekoen ezkontzak onartzen dituzten AEBetako estatuak. Gainontzeko estatuetan ez dago horretarako aukerarik, baina beste inon ezkonduz gero, bikoteei eskubideak onartzen zaizkie.

Bihar sexu askapenerako nazioarteko eguna denez, hainbat mobilizazio egingo dira Euskal Herrian. Hauek dira deialdietariko batzuk:

  • Bilbon, 20:00etan Moyua plazan

  • Donsotian, 19:30tan Bulebarrean

  • Gasteizen, 20:30tan Andra Mari Zuriaren plazan

  • Iruñean, 20:00etan autobus geltoki zaharrean


Kanal honetatik interesatuko zaizu: LGBTI
Queertopiak: babeslekuak, inguruan eragiteko moduak

'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]


Gorputz hotsak
“Herrietan lumek lekua daukate, edo behintzat, nire gorputzak kabitzea lortu du”

Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]


Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Transen eskubideen aldeko elkarretaratzea eginen dute Baionan, 800 eragileren deiarekin bat eginik

Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]


Alejandra Burgos eta Karla Guevara, El Salvadorko trans aktibistak:
“LGTBI komunitatea eta emakumeak beti egon gara salbuespen egoeran”

Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]


Eguneraketa berriak daude