Sestaoko alkatearen aurkako SOS Arrazakeriaren salaketa onartu du epaileak
SOS Arrazakeriak Josu Bergara Sestaoko alkatearen aurka jarritako salaketa tramitera onartu du Barakaldoko 2. Instrukzio Epaitegiak. Ikerketari ekin diote, baina prebarikazioaz akusatzeko frogak batu arte, ez dute inputatuko, Berriak jakinarazi duenez.
Maiatzean jarri zuten salaketa Sestaon bizi diren zortzi ijito errumaniarrek, SOS Arrazakeriaren bitartez. Ijitoak eta etorkinak erroldatzeari uko egin izanagatik, prebarikazioagatik salatu zuten Bergara. Prebarikazioaz gain, epaileak eskubide zibikoen aurkako delitua ere erantsi du. Bizilagunei erroldatzea galaraziz, zerbitzu publikoak erabiltzeko eskubide gabe uzten direla adierazi du epaileak, tartean hezkuntza.
Bergara inputatu baino lehen, frogak batu nahi ditu epaileak; hain zuzen, “delitua egiteko borondatez” eta “etorkinak herritik botatzeko azken helburuarekin” jardun zuen erakusten duten zantzuak aztertu nahi ditu.
Horretarako, besteak beste, erroldatzeen inguruko lanetan diharduten udal langileen zerrenda eta salatzaileek eginiko eskaera eta ezezko erantzunak eskatu dizkio Sestaoko Udalari. Eskatutakoari erantzun ezean, desobedientzia delitua leporatu diezaiokeela jakinarazi dio.
Bergararen jarrera baztertzailea agerian uzteko, bideo bat kaleratu zuten etorkinek; bertan entzun daitezke aztoramena sortu zuten alkatearen adierazpenak (Iturria: Berria TB).
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
"Delinkuentziarik gabeko Cintruenigo" aldarrikatu dute, ohi bezala, pertsona migratuak kriminalizatuz.
Urte hasieran, Saidek Kutxabanken lokal abandonatu bateko giltzak erosi zituen 600 euroan, beste bi lagunekin batera, Gasteizko Judimendi auzoan. Hilabete zeraman kalean bizitzen. Hasiera batean ez zuten arazorik izan, baina lokalera jende berria heldu ahala gatazkak eta... [+]
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Gasteizko Arana auzoan Nazioarteko Babeserako Harrera Zentroa birgaitzeko lanak hasi ondoren, bizilagun okupatuak eta kezkatuak garen aldetik eta Euskal Herria benetako harrera- herria izan dadin, berriz ere publikoki posizionatu beharra ikusi dugu. Beste behin ere lengoaia... [+]
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Erasoa ile apaindegi batean egin zuen Poliziak iragan astean, Bilboko Kontseilu Sozialistak salatu duenez. Ile apaindegiko kamera baten irudiak zabaldu dituzte.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.