Rohingyen aurkako sarraskian duen ardura zuritu du Myanmarreko Gobernuak

  • Amnesty International (AI) elkarteak gogor kritikatu du Aung San Suu Kyi, Myanmarreko Estatu Kontseilariak –legez presidentea ez izan arren hark du benetako boterea herrialdean– rohingya etnia jasaten ari den erasoei buruz esandakoak. Myanmarreko armadak giza eskubideen zapalkuntzan duen erantzukizunaren aurrean ez ikusiarena egitea aurpegiratu dio AIk Aung San Suu Kyiri.


2017ko irailaren 19an - 16:53
Rohingyar errefuxiatuak Bangladeshera ihes egiten. (Arg.: Reuters)

Myanmarreko agintariak esan du bere gobernuak –zeinetan hiru ministerio zuzentzen dituen, presidentziako kabineteaz gain– ez duela nazioarteko komunitatearen aurrean ezkutatzeko ezer. Baina AIk gogorarazi du Aung San Suu Kyik ez duela asmorik NBEren aginduz sortutako ikertzaile taldeari laguntzeko.

“Myanmarrek ez badu ezkutatzeko ezer”, esan du giza eskubideen aldeko taldeak, “NBEko ikertzaileei bertan sartzen utzi behar die, baita Rajineko estatuan ere [han bizi dira rohingyak], eta era berean eskualde guztietara inolako oztoporik gabe iristea ahalbidetu behar die laguntza humanitarioa eraman dezaketen erakundeei”.

Aung San Suu  Kyik giza eskubideen zapalketa gaitzetsi duen arren, AIk leporatu dio zapalketa horretan armadak duen parte hartzeaz ezer esan ez izana. “Bortizkeria berehala amaitu behar da Rajinen, baina horrez gain gobernuak neurriak hartu behar ditu azken hamarkadetan rohingyen aurkako abusuak ahalbidetu dituen diskriminazio egoeraren kontra”.

Ehunka mila errefuxiatu egoera latzean

Rohingya herriko ehunka mila lagunek –ia milioi erdik, honezkero– ihes egin dute Bangladeshera, eta krisi humanitarioa areagotu egin da. Save the Children GKEak ohartarazi du errefuxiatuak gosez eta epidemien eraginez hiltzen hasteko arriskua dagoela. AIk, berriz, salatu du armadak pertsonen aurkako minak ipini dituela Bangladesheko mugan, jendeak ihes egin dezan eragozteko.

Bitartean, Aung San Suu Kyik harridura agertu du rohingyen erbesteratze masiboa dela eta. Erlijio musulmaneko gutxiengo etnikoa dira rohingyak, eta “musulman” hitza erabiliz aipatu ditu beti ere Myanmanerreko agintariak, diskurtso osoan haien herriaren izena behin ere ezpaineratu gabe. Iheserako arrazoiak ulertzen ez duela adierazi du Aung San Suu Kyik, bere gobernuko iturriek berriki aitortu arren rohingyen herrien %40 hustu direla bortizkeriatik alde egiteko. Kiskali egin dituzte horietako asko.


Kanal honetatik interesatuko zaizu: Rohingya
2022-12-27 | ARGIA
Itsasoan hilabete desagertuta zeramaten 180 errefuxiatu rohingya Indonesian lehorreratu dira

Aurten iaz baino sei aldiz rohingya gehiago dira Bangladeshko errefuxiatu esparruetatik itsasoz ihes egin dutenak, UNHCR Iheslarientzako Nazio Batuen Goi Mandataritzaren arabera. Rohingyak Myanmarren jasandako jazarpenagatik migratzera behartua izan den estaturik gabeko nazioa... [+]


Rohingyen aurkako genozidioa egotzi dio NBEk Myanmarko armadari

Behar militarrek ezin dituzte justifikatu espetxeratzeak, torturak, bortxaketak, sexu esklabotza eta jazarpena bezalako delituak, Nazio Batuen Erakundeak (NBE) publiko egin duen txostenaren arabera.


2017-12-14 | ARGIA
Gutxienez 6.700 pertsona hil zituzten Myanmarreko soldaduek rohingya etniaren aurkako erasoaldiaren lehen hilean

Mugarik Gabeko Medikuak GKEak kaleratutako txosten baten arabera, rohingya etniako 6.700 kide hil zituen gutxienez Myanmarreko armadak, haien aurka egindako erasoaldiaren lehen hilabetean. Horietatik 730 bost urtetik beherako umeak ziren. Myanmarreko Gobernuak 400 biktima baino... [+]


Rohingya herria, sarraskitik ihesi

Rohingya herriko ia milioi erdi lagunek ihes egin dute Myanmarretik (lehengo Birmania) Bangladeshera. Myanmarreko Gobernuko iturriek berriki aitortu dute rohingyen herrien %40 hustu direla armadaren bortizkeriatik ihesi. NBEko Giza Eskubideen goi komisario Zeid Ra’ad Al... [+]


Eguneraketa berriak daude