Zaldibar, Robles eta Esteban atxilotu ditu Ertzaintzak, hainbat orduz herritarren babespean egon ostean
Gasteizko Andra Maria Zuriaren plazako herri harresia desegin eta Aiala Zaldibar eta Igarki Robles gasteiztarrak eta Ibon Esteban iruindarra atxilotu egin ditu Ertzaintzak. Ia hiru ordu behar izan dituzte hiru gazteen inguruan bildutako jendea harresitik banan-banan atera eta atxilo hartzeko.
Atxilotu egin dituzte, halaber, Zaldibarrekin batera besoa hodi bati lotua zuten bost lagun, Roblesekin zegoen bat eta, Efe agentziak jakinarazi duenez, "poliziei aurre egin dieten" beste hamaika.
Polizien indentifikazio-lana oztopatu aldera, herri harresian bildutako gazteek ileordeak zituzten, eta batzuek pintura laranjaz blaitu dituzte haien buruak.
Borra kolpeak eta ukabilkadak
Ertzaintzak bortizkeriaz kanporatu ditu harresian bildutako lagunak, eta hainbat zauritu izan dira. Gutxienez bi pertsona erietxera eraman dituzte, haietako bat hanka dislokatuta.
Manifestazioa igandean
Segiko kide izatea egotzita zazpi gazteri seina urteko espetxe zigorra ezarri diete. Gainerako lauak pasa den astean atxilotu zituzten.
Igandean manifestazio nazionala egin dute Gasteizen, 12:00etan Bilboko plazatik hasita. 8.000 eta 10.000 pertsona artean bildu dira. Ondoren, Gasteizko Andra Maria Zuriaren plazan herri harresia egin dute. Igandetik astelehenerako gaua bertan pasa dute.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Igandean, apirilak 7, espetxetik irten da Ekaitz Ezkerra preso politiko donostiarra, sei urteko espetxe zigorra bete ostean. 2013ko apirilaren 30ean atxilotu zuten Ezkerra, Donostiako Askegunean, Segiko kide izatea leporatuta. Orduan atxilotu eta espetxeratutakoetatik Ezkerra... [+]
They were arrested in 2015 after being accused by the Ertzaintza (Basque police) of being members of pro-independence organization Segi. The Spanish Constitutional Court has now declared the order for arrest and imprisonment invalid and “against the law and rights”.
2015ean atxilotu zituen Ertzaintzak Segikoak izatea leporatuta Espainiako Auzitegi Nazionalak epaitutako zazpi lagun, horietatik hiru Gasteizen egindako “herri harresian”. Defentsak Auzitegi Gorenean jarrita zuen helegitea aintzat hartu eta gazteak kartzelaratzeko... [+]