Puigdemont presidente izateko akordioa lortu dute Junts per Catalunyak eta ERCk

  • Puigemont presidente izateko akordioa lortu dute ERCk eta Junts per Catalunyak, RAC1 irratiak aurreratu duenez.


2018ko urtarrilaren 10an - 08:42
Bruselan egindako afari batean lortu dute akordioa Puigdemontek eta Rovirak.

Carles Puigdemontek eta Marta Rovirak astearte gauean Bruselan egindako afari batean lortu dute akordioa, irrati kataluniarraren arabera.

Akordioaren arabera, Puigdemont izango da Kataluniako Generalitateko presidente eta Parlamentuko mahaian gehiengo independentista izango da. Horrenbestez, En Comú Podem-eko ordezkaririk ez litzateke egongo legebiltzarreko mahaian.

RAC1ek informatu duenez, mahaiko presidentzia ERCko ordezkari baten esku geratuko litzateke segur aski.

Akordioak azken asteetan Bartzelonan eta Bruselan egin diren negoziazio eta elkarrizketei amaiera emango lieke eta parlamentua osatzeko blokeoa gainditzea ekarriko luke.

Hurrengo urratsa Parlamentuko mahaia osatzeko bozketa izango da, astebete barru. Urtarrilaren 31n egingo da presidente berria izendatzeko saio parlamentarioa.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude