Psikiatrikoen aurkako salaketa kalera aterako du Harro Zoroa mugimenduak asteburuan Bilbon

  • “Hego Euskal Herria da elektroshock gehien praktikatzen den Espainiako Estatuko lurraldea; Basurtuko ospitalean sei elektroshock makina daude”, azaldu dio ARGIAri Heiko Elbira Zoroa GAM taldeko kideak. Hori eta beste hainbat praktika psikiatriko salatzeko Harro Zoroa eguna Euskal Herrian ospatuko dute lehen aldiz, ekainaren 3an.

"Zoroak oraindik oso minduta daude, batzuek medikazio gogorra hartzen dute eta drogatuta bazaude zaila da ongi jabetzea edo kontzientzia hartzea".

2023ko maiatzaren 31n - 11:14

Psikiatrizatuta egon den jendeak osatzen du Zoroa GAM, 2018an sortua. Heiko Elbiraren hitzetan, talde zoro autogestionatua dira, eta salaketa nagusi bat dute: praktika psikiatrikoan sistematikoki gauzatzen da tortura, eta hala jasotzen da gainera Nazio Batuen Kontalari Bereziaren azken txostenetan (2017 eta 2020koetan).

Euskal Herria ez da salbuespen

Elbirak kontatu digunez, psikiatrikoetan izan duten esperientzia ez da batere ona. “Medikazioa indarrez ematen da, berdin euste mekanikoak, ume nahiz heldu izan, eta elektroshockak eta mehatxuak ere eguneroko ogia dira". Gehitu duenez, "psikiatrikoetan pobreenak sartzen dituzte, emakumeak, arrazializatuak, bakarrik daudenak… Aberatsek ez dute hor amaitzen".

"Medikazioa indarrez ematen da, berdin euste mekanikoak, ume nahiz heldu izan, eta elektroshockak eta mehatxuak ere eguneroko ogia dira. Psikiatrikoetan pobreenak sartzen dituzte, aberatsek ez dute hor amaitzen"

Mugimendua oraindik oso oinarrian dagoela aitortu digu Elbirak: “Zoroak oraindik oso minduta daude, batzuek medikazio gogorra hartzen dute eta drogatuta bazaude zaila da ongi jabetzea edo kontzientzia hartzea, indarrez eta behartuta dituzte praktika psikiatrikoetan…”.

Duela gutxi albiste izan den adibidea jarri digu: Galizian, 19 urteko gazte bati elektroshocka aplikatu diote, nahiz eta ez berak ez familiak ez zuen nahi, baina psikiatrek epaitegietara jo eta lortu dute gaztearen borondatearen kontra horretara behartzea.

Espainiako Estatuko hainbat lekutan egingo duten aldarrikapenarekin bat eginez, Harro Zoroa antolatu dute ekainaren 3an: manifestazioa egingo dute Bilbon, Unamuno plazatik Areatzara, 12:00etan abiatuta.


Kanal honetatik interesatuko zaizu: Psikiatria
"Ez digute uzten gure gorputzen gainean erabakiak hartzen"

Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.


2023-09-03 | Reyes Ilintxeta
Vicente Madoz. Psikiatra humanista
"Pandemiarekin aurkitu ditugu izaki ahulagoak, estres egoeren aurrean gainezka egiten dutenak"

Azken mende erdi luze honetan Vicente Madoz psikiatra oso presente egon da Nafarroan osasun mentalaz, sexu-hezkuntzaz, bikote harremanez, adikzioez edo heriotzaz hitz egitean. 1960ko hamarkadan Ingalaterran ikusi eta ikasi zuena hona ekarri zuen, psikiatria berriaren oinarriak... [+]


Neurotikoak gara, sentitzen dut

Iragan udan, neurosiaren prebentzioari buruzko ikastaroa eskaini nuen Hik Hasiko topaketa pedagogikoen baitan. Jende askok eman zuen izena, izenburua erakargarria egingo zitzaielako, seguruena, zuzenean ematen baitzuen aditzera buruko osasuna (edo osasun eza) ez dela zorizko... [+]


2021-11-25 | Leire Artola Arin
Osakidetzak nerabeentzako eguneko bi ospitale psikiatriko ireki ditu Bizkaian

Eguneko ospitaleak Bilboko Zabalburu plazan eta Galdakao-Usansoloko ospitaleetan daude. Eusko Jaurlaritzaren arabera, haur eta gazteentzako arreta psikiatrikoa “indartu” egingo da horrela.


Itxaso Martin. Isiltasunak arakatzen
"Medikuntza eta psikiatria gizartetik bereiz daudela uste dugu, baina ez da hala"

Itxaso Martinek (1981, Donostia) nobela bat idatzi zuen, Ni, Vera, azken urteak psikiatrikoan eman zituen birramonaren historian oinarrituta. Oinarri bera izan zuen master baterako egin zuen ikerketa-lanak, eta hari horri tiraka, garaiko psikiatriko bateko (1937-1950) 500... [+]


Eguneraketa berriak daude