Osakidetzak nerabeentzako eguneko bi ospitale psikiatriko ireki ditu Bizkaian

  • Eguneko ospitaleak Bilboko Zabalburu plazan eta Galdakao-Usansoloko ospitaleetan daude. Eusko Jaurlaritzaren arabera, haur eta gazteentzako arreta psikiatrikoa “indartu” egingo da horrela.

Galdakao-Usansoloko eguneko ospitale psikiatrikoan hamasei lagunentzako tokia dago.

2021eko azaroaren 25an - 11:51
Azken eguneraketa: 12:54

Eusko Jaurlaritzako Osasun Sailak ohar batean jakinarazi duenez, Bizkaian eguneko beste bi ospitale psikiatriko ireki dituzte. Bilbon bata, Zabalburu plazan, 30 pertsonarentzat tokia duena; Galdakao-Usansoloko ospitalean bestea, hamasei lagun artatzeko lekua duena. Ospitale horiek “tratamendu intentsiboko eta denbora mugatuko asistentzia” emango diete “nahasmendu psikiatriko larria” duten gazteei. Jaurlaritzak azaldu du bi helburu dituela: osasuna sustatzea eta buruko nahasmenduak kroniko bihurtzeko prebentzioa. Eguneko zentroa izanik, ziurtatu dute “bizitza normalera egokitzeko aukera” ematen diela gaixoei eta ospitaleratzeak saihesten dituela.

Azaldu dutenez, EAEko haur eta nerabeentzako arreta psikiatrikoa “indartu” egingo da azken asteetan gehitzen ari diren baliabideekin. Gogorarazi dute duela gutxi Saralegin (Bizkaia) beste arretagune bat martxan jarri dutela, hamabost plazakoa. Halaber, Gasteizen haur eta gazteen osasun mentalerako hamar plazako zentro bat dago, eta Donostian arreta goiztiarreko hamalau lagunentzako unitate bat.


Kanal honetatik interesatuko zaizu: Psikiatria
Biolentzia psikiatrikoa salatuko dute Bilbon, Espainiako Estatu osoko Harro Zoro Erradikalek

EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]


"Ez digute uzten gure gorputzen gainean erabakiak hartzen"

Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.


2023-08-30 | Reyes Ilintxeta
Vicente Madoz. Psikiatra humanista
"Pandemiarekin aurkitu ditugu izaki ahulagoak, estres egoeren aurrean gainezka egiten dutenak"

Azken mende erdi luze honetan Vicente Madoz psikiatra oso presente egon da Nafarroan osasun mentalaz, sexu-hezkuntzaz, bikote harremanez, adikzioez edo heriotzaz hitz egitean. 1960ko hamarkadan Ingalaterran ikusi eta ikasi zuena hona ekarri zuen, psikiatria berriaren oinarriak... [+]


Psikiatrikoen aurkako salaketa kalera aterako du Harro Zoroa mugimenduak asteburuan Bilbon

“Hego Euskal Herria da elektroshock gehien praktikatzen den Espainiako Estatuko lurraldea; Basurtuko ospitalean sei elektroshock makina daude”, azaldu dio ARGIAri Heiko Elbira Zoroa GAM taldeko kideak. Hori eta beste hainbat praktika psikiatriko salatzeko Harro Zoroa... [+]


Eguneraketa berriak daude