Porno Eskola, heziketa sexualerako tresna berria Gasteizen

  • Azaroaren 26an SUmendi Gazte Espazioan, Porno Eskola bera aurkezteaz gain, porno feministaren hastapenetan sakonduko dute. Interneten dagoen informazio guztia kritikoki eta etikoki erabiltzeko asmoa du eskolak.

Hala Bedi @halabedi
2017ko azaroaren 08a

Porno Eskola. Hori da Gasteizen martxan jarri duten tresna berria. Helburua, argia: heziketa sexualean sakontzea, pornografiari buruzko gida didaktiko bat baliatuz horretarako. Urriaren 26an aurkeztu zuten, baina jende dexente aurkezpen aretotik kanpo geratu behar izan zen. Hori dela eta, azaroaren 26an beste aukera bat izango dugu Gasteizen Porno eskola barrutik ikusteko: SUmendi Gazte Espazioan tailerra.

“Konturatu ginen nerabeek sexuarekin zuten lehenengo kontaktua pornoa zela: ikastolan duten heziketa sexualak hutsuneak dituelako edo gurasoei galdetzea lotsa ematen dielako”, adierazio dio Hala Bediri Porno Eskolako kide den Iratxe Gilek. “Gainera, gurasoak ez daude hezituak galdera horiek erantzuteko”, gaineratu du.

Interneten dagoen informazio guztia kritikoki eta etikoki erabiltzeko asmoarekin, Porno Eskolaren asmoa heziketa sexualeko tresna bat eskaintzea da. Eta horretarako, nahikoa baliabide jarriko dituzte mahaiaren gainean. Ilustrazioak oinarri, eduki mapa bat landu dute. Horretaz gain, webgune bat ere martxan jarriko dute, unitate didaktiko ugari oinarri moduan hartuz.

Pornoaren unibertsoa berreraikitzeko jaio da Porno Eskola: teoriak berresanez, akatsak zuzenduz,  erabiltzaileak berrezituz eta pornografia feminista, bidezko eta ireki batera bideratuz. Gainera, gidaz gain, gai bakoitzeko unitate didaktikoak eskainiko dituzte, informazio guztia garatuz, bibliografia, estekak eta artikuluak eskainiz… Gasteizen jaio da, “baina gustora zabalduko genuke” adierazi du Gilek.

Hitzordua SUmendin

Azaroaren 26an, igandean, Porno Eskolako kideek tailer bat emango dute SUmendi Gazte Espazioan, Judimendin. Bertan, Porno eskola bera aurkezteaz gain, porno feministaren hastapenetan sakonduko dute.

Albiste hau Hala Bedik argitaratu du eta CC-by-sa lizentziari esker ekari dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Pornografia  |  Hezkuntza  |  Gasteiz

Pornografia kanaletik interesatuko zaizu...
Stalag fikzioa
Amesten al dute israeldarrek emakume naziekin?

Israelgo estatuak 70 urte bete berri ditu eta gertakari horrek literaturan izan duen agerpenaz aritu dira zenbait hedabideren kultur gehigarriak azken asteetan –bitartean, nazioarteko orrialdeetan, hildako palestinarren berri ematen zuten–. Fikzio israeldarraren azken zazpi hamarkadetako errepasoa egitean, ordea, ez da aipatu hango literaturaren fenomeno arraro bat: Stalag fikzioa. 1960ko hamarkadaren hasieran, nazien preso-esparruetan girotutako literatura erotikoak milaka irakurle... [+]


2018-05-09 | I˝igo Asensio
Ez ote gara ari gizarte bezala sustatzen duguna orain gaitzesten?

Oraintxe irakurri dut egunero 300 espainiarrek “Manada”-ren bortxaketaren bideoa bilatzen dutela pornografia web ataritan.


2018-04-24 | Miren Osa Galdona
Droga trafikoa eta haur pornografia egotzita, PPtik bota dute militante bat Bizkaian

Carlos Abajo Enkarterrietako koordinatzailea da alderditik kaleratu dutena. Pasa den larunbatean, argazki sexualen truke adin txikikoei dirua eskaintzen ari zela atxilotu zuten. Droga trafikoarekin ere lotura izan dezakeela iradokita, alderdiak bertan behera utzi du bere militantzia.


2017-12-18 | Hala Bedi
Porno Eskola ixtea erabaki dute, guraso talde erlijioso baten salaketaren beldur

Guraso talde erlijioso batek salaketa batekin mehatxatu ditu. “Txiringitoa ixteko beharra dugu”, adierazi dute Porno Eskolako kideek. “Hezkuntza sexuala lehen lerroan jartzea lortu dugu”.


2017-09-24 | Saioa Baleztena
Erika Lust. Pornografia feminista
"Emakumezkoei itzuli diet pornografiaren generoa"

Zientzia Politiko, Feminismo eta Sexualitate ikasketak egin zituen Lundeko Unibertsitatean Erika Lustek (1977, Stockholm). Pornografia konbentzionala gizonezkoentzat egina zegoela ikusirik, helduentzako zinemagintza alternatiboaren aldeko apustua egin du Bartzelona bizitoki duen zinema zuzendari suediarrak.


Eguneraketa berriak daude