Pneumologiako azterketan irregulartasunak egon daitezkeela uste dute sindikatuek, eta erabat ukatu du Osakidetzak
Iazko abenduan izan ziren azterketak. Puntuaziorik handiena lortu zuten lau pertsonak ospitale berekoak izatea "deigarria" dela dio ELA sindikatuak, guztira hamahiru zentro daudelako, eta Osakidetzari eskatu dio ikerketa abiatzeko.
aurre egingo dieten hedabide independenteak
"Deigarria behintzat badela" adierazi du ELA sindikatuak ohar bidez, eta erreferentzia egin dio 2017ko lan-eskaintza publikoko deialdian gertaturikoei.
Hain zuzen ere, 2022ko abenduan egin ziren pneumologiako azterketetan "irregulartasunak" egon daitezkeela uste du ELAk, eta LAB sindikatuak gaineratu du "berriro ere zalantzak zabaldu" dituela filtrazioen aurkako "neurri eraginkorrik ez egoteak".
Hauek dira "deigarriak" egiten zaizkion datuak: pneumologiako 69 hautagaietatik zortzik lortu dute 100etik 70 puntu baino gehiago, eta zortzi horietatik lauk soilik lortu dituzte 82 puntu baino gehiago; lau pertsona horiek zentro berean egiten dute lan, eta ELAren arabera aintzat hartu behar da Osakidetzako hamahiru ospitaleetan daudela pneumologiako profesionalak.
"Azalpen zaila du gertaturikoak"
Lehenbailehen ikerketa abiarazi dezala exijitu dio ELAk Osakidetzari, gertaturikoa argitu eta emaitzak publiko egiteko. Halakorik egin ezean, edo ikerketa horren "ondorioak negatiboak badira", epaitegietara jotzea aztertuko duela adierazi du sindikatuak.
Gogoratu du 2017ko deialdian "iruzurrak" egon zirela, eta "ustezko filtrazio batek sistema osoa azaleratu" zuela. Izan ere, ELAren arabera, sistema horretan zerbitzuburu jakin batzuek erabakitzen zuten nork eta noiz lortuko zuen plaza finkoa Osakidetzan.
"Senide eta lagunak, postuaren jabe"
Osakidetzaren eta osasun sistema publikoaren inguruko erreportaje honetan, mediku batek ARGIAri adierazten zion nola funtzionatzen duen sistema horrek.
"Gizartea bera klase sozialetan banatuta dagoen gisan, Osakidetzan ere gertatzen da, bereizketa askoz handiagoan gainera". Mikel Delgado medikuaren arabera "norberaren elitismoak" eragin zuzena du horretan, eta boteredun senide edo lagunak dituztenak egiten dira postu jakin baten jabe.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.