Plastiko beltzak jartzen jarraituko dutela diote alarde baztertzailearen aldekoek

  • Denis Itxaso Gipuzkoako ahaldun nagusiordeari zuzendutako testu bat argitaratu du Jaizkibel konpainiaren aurkako protesta antolatzen duen Hondarribiko Emakumeak taldeak. Emakumeek gizonen baldintza berdinetan parte hartzen duten alardeari plastiko beltzak jartzea “emakumeen indar pasiboaren sinbolo unibertsala da”, talde horren arabera.


2018ko irailaren 07an - 12:37
Alarde baztertzailearen aldekoek plastiko beltzak jartzen jarraituko dutela iragarri dute.

Ostegunean Gipuzkoako Foru Aldundiak publiko egin zuen ohar baten bidez, Denis Itxasok eskatu zuen Hondarribiko alardean Jaizkibel konpainiaren kontra kale nagusian jartzen diren plastiko beltzak erretiratzeko. Ez dirudi eskariak eraginik izango duenik, Hondarribiko Emakumeak taldeak Facebooken argitaratu duen oharra irakurrita.

Gaztelaniaz argitaratutako testuan Denis Itxasori adierazi diotenez, “onartzeko prest gaudenaren mugak” garbi uzteko jartzen dute urtero Jaizkibelen kontrako “harresi beltza”. “Protesta” hori zilegi dela baieztatu dute eta Itxasok eskatutakoa gorabehera, ez dutela alde batera utziko.

Gainera, Itxasok alarde baztertzailearen aurkakoei Mozal Legea ezarri nahi diela adierazi dute. “Badakizu zer? Momentu honetan gu gara zure aldetik erasotuak!”, gaineratu dute.

Larunbatean ospatuko da Hondarribiko alardea, bitan zatituta. Emakumeek soldadu paperean ere desfilatu dezaketen Jaizkibel konpainia igoko da kale nagusian gora. Ondoren, alarde baztertzailearen txanda izango da, plastiko beltzik gabe.

Desfile parekidea babesteko deia egin du Euskal Herriko Bilgune Feministak. “Inoiz ez zarete borroka honetan bakarrik egongo” lemapean, goizeko 7:15ean Hondarribiko zumardira joateko eskatu diete herritarrei, koloretako zapia lepoan jantzita, Jaizkibelen martxari sostengua emanez.


Kanal honetatik interesatuko zaizu: Hondarribiko alardea
Jaizkibelek elkarrizketa mahai bat bideratzeko eskatu dio Hondarribiko alkateari

Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]


Jaizkibeli ere harrera egin dio lehen aldiz Hondarribiko alkateak

Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.


"Nor dira haiek, guztiona den ondarearen inguruan herri osoaren izenean hitz egiteko?"

Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]


Hondarribiko hurrengo alkatearentzako gutuna plazaratu du Guztion Alardeak

Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.


Guztion Alardeak egindako proposamenekiko desadostasuna agertu du Alarde Fundazioak

Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.


Eguneraketa berriak daude