Pisu turistikoen negozioa hiri osora zabaldu nahi du Donostiako Udalak

  • Donostiako Udalak pisu turistikoak erregulatzeko ordenantza berria uztailean onartu nahi du, eta 2018ko udarako martxan egotea proposatzen da. Alde Zaharrean, Zentroan eta Grosen 2018tik aurrera ezingo da pisu turistiko berririk ireki, baina gainontzeko auzoetan ez dira egun dauden mugak ere ezarriko.

Xalba Ramirez @xalbaram
2017ko ekainaren 14a

Azken hilabeteetan turismoaren masifikazioa eta ordenantza ez betetzeak ekarritako polemika guztien ondoren egoerari neurria hartzeko proposamena izan nahi du; zaila izango da, EAEn pisu turistikoen %40a Donostian kontzentratzen baita.

Baina oro ez da urre. Auzo masifikatuenak diren Alde Zaharrean, Zentroan eta Grosen pisu turistiko gehiago onartuko ez den arren, gainontzeko auzoetan mugak desagertu araziko dituzte, adibidez, “lehenengo solairuaren araua”.

Pisu turistikoak soilik lehenengo solairuetan ezar daitezke Donostiako Plan Orokorraren 59. artikuluaren arabera. Bizitegi-eraikuntzetan, hirugarren sektorearen erabilera guztiak arautzen ditu artikuluak, pisu turistikoak barne. Udalaren teknikarien ikerketa baten arabera, egun %25ak bakarrik betetzen du arau hau, gainontzeko guztiak legez kanpokoak izanik.

EH Bilduk gogor salatu du ordenantza berri hau eta militantziarekin proposamen berria eztabaidatzen ari da asteartetik aurrera.

Donostia datutan

Turismoak nabarmen egin du gora azken urteetan. 2016an turistek 1,3 miloi ostatu-gau egin zituzten Donostian (bi gau pertsonako) eta 2 miloi izan ziren egun-pasa etorritakoak (2015ean baino %10 gehiago).

Datozen hilabeteetan 20 hotel berri irekiko dituzte, ohe kopuruen %30a handituz. Sektore hauetan, lan baldintzen egoera ez da batere ona sindikatuen arabera: langile ugari hitzarmenik gabe, soldata baxuak, ordutegi oso aldakorrak, lan-bizitza eta familia bateragarri egiteko ezintasunak.

2016an alokairua %17 igo zen bataz beste Donostian, neurri handi batean turismoaren eraginez, etxebizitza arazo larria ekarriz. Eusko Jaurlaritzako Etxebizitza Departamentuak egindako informearen arabera, %35 behera egin du bizitzeko eskaintzeko etxebizitzen kopuruak azken urtean, jabeentzat errentagarriagoa delako turistei alokatzea.

Airbnb-k eta etxebizitza alokatzeko internet bidezko gainerako plataformen bitartez 1.700 pisu turistiko eskaintzen dituzte Donostian. 2011an Airbnb-n 2 etxebizitza eskaintzen ziren. 2012an 42 izan ziren; 2013an 127; 2014ean 349; 2015ean 695 eta 2016ean 1.400.

Donostian Airbnb-k iragartzen dituen pisuen %13ak soilik du lizentzia, gainontzekoak legez kanpo daude: jarduera ekonomikoengatik zergak ordaindu gabe edota turismo-araudia bete gabe.

Etxeko ekonomian “laguntza gehigarri baterako” alokatzen duten kasuak gutxiengoak dira, “ekonomia kolaboratiboaren” webgune honetan. Errealitate gordina da multinazionalen eta higiezin agentzia handien esku daudela etxebizitza hauen gehiengoa. EAEn, adibidez, 20 jabek ia 2.000 ohe eskaintzen dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismo masiboa  |  Etxebizitza eskubidea  |  Donostia

Turismo masiboa kanaletik interesatuko zaizu...
Mallorcako Tot Incl˛s kolektiboa
"Turismoak ezin du inolaz ere jasangarria izan"

Tot Inclòs kolektiboa 2014an turismoak Balear Uharteetan eragiten dituen kalteei buruzko monografikoak kaleratzen hasi zen urtero, eta lau aleren ostean, ikus-entzunera salto egin dute, Tot Inclòs. Danys i conseqüències del turisme a casa nostra dokumentalarekin. Irailaren 27 estreinatu zuten Palman, Turismoaren Nazioarteko Egunean, proiektua Goteo plataformaren bidez finantziatu eta urte eta erdiko lanaren ondoren. Artxipelagotik kanpoko lehenengo proiekzioak Bilbon... [+]


Egunean 84.500 euro irabazten dituzte Airbnb-rekin Bartzelonan hamar etxe-jabek

Xavier Triasen agintaldian etorri ziren turismo-legearen inguruko zenbait aldaketa. Nahikoa zen 230€ko lizentzia ordaintzea pisua etxebizitza-turistiko bilakatzeko. Behin lizentzia ordainduta, betirako zen; ez zuen iraungitze-datarik.


Hondarrak; erlojupeko desjabetze baten kronika
MULTIMEDIA - dokumentala
Zarauzko Danda gazte asanbladak sortutako dokumentala da ‘Hondarrak’: "herri-ereduak ezkutatzen duena erakusteko, hondarpean dagoena azaleratzeko, herriari ahotsa emateko, hausnartzeko eta eztabaidatzeko". Irailaren 5ean estreinatu zuten lana Zarauzko Putzuzulo gaztetxean.

Fauna publikoa
Sailburuarentzat, turista baten berdina balio duzu

Zer izan behar duen munduari palazio eder baten sabaitik begiratzeak. Gainbehera so egin, eta jende guztiak berdina dirudi, ezin duzu jakin nor den bertakoa eta nor dagoen bisitan; zenbat billete dauzkan alemaniar honek patrikan, noiz atera den donostiar hura lan egiten duen tabernatik, akituta, hamar orduko txanda baten ondoren; zenbat gogo dauzkan beste hark, Narrika kaleko labana-dendako eskaparateari begira ari denak, norbaiti zintzurra ebakitzeko.


2018-09-19 | ARGIA
Santa Anako haritzak: Lapurdiko kostaldeko hirigintza basatiari aurre egiteko ikur

Urruña eta Ziburu arteko hainbat auzo-bide handitzeko lanetan 24 haritz handi arriskuan daudela ohartarazi dute Santa Ana eta Penditxeneako bizilagunek. Arbolak salbatu eta ekosistema babesteko sinadura bilketa hasi dute eta jadanik 1.600 lagunen atxikimendua jaso dute.


2018-09-13 | ARGIA
Bizitza Da Handiena asteko bi epaiketetako bat bertan behera utzi dute behin-behinean

Bi epaiketa izango zirela jakinarazi zuten Bizitza Da Handienako eragileek asteazkenean. Ostegunean epaitegietako mugimenduak jakinarazi dituzte: irailaren 25erako deituta zegoena bertan behera utzi dute oraingo. 15 urtez hutsik egon zen eraikin publikoaren okupazioa egotzita bi pertsonaren aurka egitekoak ziren epaiketa hori, eta gainera, mugimendu sozialen abokatu lanetan ari zen Haizea Nuñez auzipetu zuten bertan. Astelehen goizean Egiako epaitegi aurrean deitu duten kontzentrazioa... [+]


2018-09-12 | ARGIA
Beren lurretatik kanporatuak izaten ari dira masaiak, turismoaren mesedetan

Artzaintza eta laborantza oinarri dituen masai herria lurrik gabe geratzen ari da Tanzania iparraldean, herrialde horretako gobernuak eta agentzia turistikoek behartuta.


Turismoaren beste balantze bat

“Kalitatezko” turismo ereduaz hitz egiten da maiz, baina hori neurtzeko gaualdi kopuruak edo sosak edukitzen dira kontuan. Balantzean ez dira beste adierazle batzuk sartzen, turistifikazioaren ondorioz gertatzen direnak. Zein da turismo masiboaren aztarna ekologikoa?


Azkenak
EGILEA
Eguneraketa berriak daude