Ozen entzun da Gasteizen eskola publikoaren aldeko aldarria
Eskola segregazioaren aurkako aldarrikapenak Gasteizko kaleak hartu ditu. Izan ere, Ehunka gasteiztarrek parte hartu zuten atzo hezkuntza eredu inklusibo baten aldeko martxa batean, Euskal Eskola Publikoaren Aldeko Plataformak egindako deialdiari erantzunez. 60 elkartek baino gehiagok bat egin dute martxarekin. Bertan salatu dute euskal eskola publikoan bizi den segregazioa, eta egoerari aurre egiteko neurriak exijitu dizkiote Hezkuntza Sailari.
Hiru zutabetan abiatu dira manifestariak, Merkatu eta San Anton plazetatik, eta Prado parketik. Hiru zutabeek bat egin dute Andra Maria Zuriaren plazan, eta bertan irudikatu dute gaur egungo eredutik oso urrun dagoen eskola bat. Adreiluak balira bezala, kartoizko kutxekin osatu dute "guztion eskola" izan behar duen ikastetxea. Ikasleek hainbat mezu idatzi dituzte bertan; "inklusiboa", "plurala", "kalitatezkoa" edota "alaia" dira kutxetan irakurri ahal izan diren desiotako batzuk, Jaurlaritzako agintariek irakurriko dituztelakoan.
Eusko Jaurlaritza izan da, hain zuzen, manifestarien jomuga: agintariei leporatu diete ikastetxeetan bizi den segregazio egoeraren aurka ez aritzea eta diru publikoarekin ikastetxe "elitistei" laguntza ematea. Horregatik, neurri zehatzak eskatu dituzte. Besteak beste, eskoletan izena emateko udal bulego bakarrak sortzea, Jaurlaritzak finantzatutako ikastetxe guztietan benetako doakotasuna eta heziketa laikoa jasotzeko eskubideak bermatzea edota segregazio egoeran dauden ikastetxeetan egoera arintzeko neurriak abiatzea.
Euskal Eskola Publikoaren Aldeko bozeramaile Maribel Lopez de Luzuriagak Gasteizko ikastetxeetan bizi den egoera azaldu du aste honetako Alean. Datu esanguratsuak eman ditu. Gasteizen etorkinen %92 eskola publikoan daude, eta %8 sare kontzertatuan. 19 ikastetxetan atzerritar jatorriko ikasleen kopurua %30etik gorakoa dela ere esan du, baina itunpekoen sarean eskola bakar batek gainditzen duela %10a. "Adituek esaten dute integraziorako ezin dela inolaz ere %15eko muga gainditu", hortik gora ghettizazioa hasten dela argitu du Lopez de Luzuriagak. Erantsi du eskolek inguruko errealitatearen isla izan behar dutela, baina ez omen da horrela: "ikasgela artifizialak eraikitzen ari dira eta, ondorioz, bertakoek ere ihes egiten dute".
Albistea hau Arabako Alean argitaratu dute eta CC by-sa litzentziari esker ekarri dugu ARGIAra
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Sei urteko etenaldiaren ostean, maiatzaren 18an, Sortzen jaia ospatuko dute Takoneran D ereduko eskola publikoen aldeko jaia. Ikuskizunak, haurrendako jolasak eta Gorka Urbizu edota Borla taldeen kontzertuak izango dira.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]