Otxandioko atxiloketek biktimen trataerari buruzko ika-mika sortu dute
Otxandion asteartean Guardia Zibilak egindako atxiloketek ika-mika ekarri dute biktimen esparrura.
Lau lagun atxilotu zituen asteartean Guardia Zibilak “terrorismoari gorazarre” egitea leporatuta. Espainiako Estatuaren biktima izan zen Luzia Urigoitia Lutxi herrikideari egindako omenaldiagatik abiatu zuten polizia operazioa.
Otxandioko gaztetxea miatu zuen Guardia Zibilak, “terrorismoa goraipatzen” duen materialaren bila. Herriko alkateak adierazi duenez, presoen argazkiak soilik atera dituzte handik.
Atxilotuak Madrilgo Tres Cantos polizia etxera eraman zituzten, eta asteazkenean Eloy Velasco operazioa agindu duen Auzitegi Nazionaleko epailearen aurrean deklaratu ondoren, aske geratu dira lau lagunak karguekin.
Lutxiren istorioa, Estatuaren inpunitatearen adibide
1987ko uztailaren 23an hil zuen Guardia Zibilak Luzia Urigoitia Lutxi ETAko kidea Pasaian. Polizia operazio zabala egin zuten ustezko etakideen aurka gau hartan Donostian, Hernanin eta Pasaian bertan.
Pisu batean zegoen Urigoitia eta han jaso zituen poliziaren bi tiro. El Pais egunkariak garai hartan argitaratu zuenez, autopsiak ez zuen zalantzarako tarterik uzten: lehen tiroagatik lurrean zaurituta zegoela, bigarrena lepoan eman zioten “azala ia ukituz”, distantzia oso laburretik.
Bertsio ofizialak, ordea, etxera sartu eta berehala Urigoitiaren eta polizien artean tiroketa egon zela zioen, eta momentu horretan jaso zituela bi tiroak etakideak. Denbora luzez kasua bueltaka ibili ostean, 2000. urtean artxibatu egin zuten “froga faltagatik”, eta hilketaren egileak zigortu gabe gelditu ziren.
Eusko Jaurlaritzak abiatutako Udal Erratratuen mapan biktimen atalean ageri da Urigoitia.
ETAk hildako hiru kartzela funtzionarioen aldeko ekitaldia
Polizia operazioaren egun berean, Jorge Fernandez Diaz Espainiako Gobernuko Barne ministroa izan zen Donostian 1990eko urteetan ETAk hildako kartzela funtzionarioen aldeko omenaldian. Martuteneko espetxeko langileak ziren hiruak, eta han egin zieten omenaldia.
“ETAk eta hura lagundu zutenek sufrimendua gizarteratu nahi izan zuten, baina zuzenbide estatua ez zen makurtu”, adierazi du Espainiako ministroak ekitaldian.
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Espainiako Poliziak duela 41 urte hil zituen tiroka Dionisio Aizpuru, Pedro Mari Isart, Jose Mari Izura eta Rafael Delas gazteak, Komando Autonomo Antikapitalistetako kideak.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Nafarroako Gobernuak ofizialki aitortu ditu gure lurraldean giza eskubideen urraketa larriak jasan zituzten Estatuaren indarkeriaren beste zazpi biktima. Horien artean, hitzez hitz “motibazio politikoko biktima gisa” aitortzen ditu Patxi Erdozain, Eneko Compains,... [+]
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
2008an Fernando Grande Marlaska epailearen aginduz atxilotu zutenean Ibai Azkonak pairatu zituen torturak aitortu ditu Nafarroako Gobernuak. Euskalerria Irratian, pauso honek suposatzen duena azaldu du Azkonak.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.