OTRAS sindikatuaren estatutuak baliogabetu ditu Espainiako Auzitegi Nazionalak

  • Espainiako abokatu eta fiskaltzak, Emakumeen Aurkako Tratu Txarrak Ikertzeko Batzordeak eta feminismoaren adar abolizionistako zenbait taldek jarritako salaketak tarteko, Espainiako Auzitegi Nazionalera iritsi da sexu langileen sindikatuaren onarpenaren gaineko eztabaida.


2018ko azaroaren 22an - 10:46
Martxoaren 8ko manifestazioa Bartzelonan, sexu lana lana dela aldarrikatzen duen pankarta (Argazkia: Twitter Agència 8M)

Espainiako Auzitegi Nazionalak asteazkenean jakitera emandako ebazpenak baliogabetu egin ditu OTRAS sindikatuak abuztuan erregistratu zituen estatutuak. Ebazpenaren arabera, Espainiako legediak debekatu egiten ditu prostituzioarekin lotutako lan kontratuak, ez baitu ulertzen lana denik eta hargatik ez dio eskubide sindikalik esleitzen. Sindikatuaren estatutuak onartzeak proxenetismoari legezko izaera ematea ekarriko lukeela uste du Espainiako Auzitegi Nazionalak.

Auzitegiak sindikatzea oinarrizko eskubidea dela aitortu arren, eskubide hori norbaitek langile kondizioa duenean soilik gauzatu daitekela argudiatu du, sexu langileak kondizio horretatik kanpo daudela ulertzera emanaz. Jakinarazi duenez, OTRASek “lan erlazio testuinguruan gauzatu daitezkeen ekintzak barnebiltzen ditu”, pornografia kasu, baina horien artean aurkitzen den sexu lana ez da lan kontratu baterako baliagarri.

Espainiako Auzitegi Nazionalaren ebazpenak ez dakar sindikatuaren desegitea, baizik eta estatutuen laugarren artikuluaren baliogabetzea. Artikulu honetan, sexu lana barne hartzen da sindikatuaren jardunaren baitan.

OTRAS sindikatuko kideek jakinarazi dutenez, beraien estatutuak baliogabetzen dituen ebazpenari helegitea jarri asmoz, Espainiako Auzitegi Gorenera jotzeko asmoa dute.


Kanal honetatik interesatuko zaizu: Prostituzioa
Carolina Clemente, sexu langilea
"Puta estigma emakume guztiok kontrolatzeko dispositibo bat da"

Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]


Bi pertsona atxilotu dituzte Gasteizen emakumeak prostituitzera behartzea leporatuta

Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.


2023-09-07 | Irutxuloko Hitza
Venezuelako zazpi emakume Donostiako pisuetan prostituitzeaz akusatutako talde bat epaituko dute

Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]


Sexu langileen hitzak erdigunean

Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.


2023-03-14 | Euskal Irratiak
Sexu langileen lekukotasunak biltzen dituen liburu baten kontra oldartu da CAPP kolektibo feminista Baionan

Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]


Eguneraketa berriak daude