Tsunami Democratic-ek astelehenetik asteazkenera hiru eguneko mobilizazio indartsua iragarri du

  • Egun beroak datoz berriro ere Kataluniara. Tsunami Democratic mugimenduak Espainiako Estatuko hauteskundeen hausnarketa egunetik “adi eta prest” egotera deitu du jendea. Larunbaterako ehunka ekintza antolatuko dituzte Katalunia osoan zehar. Astelehenetik asteazkenera, hiru eguneko mobilizazio indartsua egin nahi dute.

Igor Galarza Intxausti @IgorGalarza
2019ko azaroaren 08a
Tsunami Democratic-ek deituta milaka lagun El Prat aireportura joan ziren. (Victor Serri / La Directa)

“Asmo handiko ekimena” antolatuko duela iragarri du Tsunami Democratic-ek, ostiral goizean zabaldu duen oharrean dioenez. Azaroaren 11ik 13ra bitarte, ekintza ugari izango direla jakinarazi dute.

Plataformak adierazi du “irailaren 11ko eguna [kataluniarrentzat Diada eguna] hiru egunez jarraian bizitzeko” gertu egoteko, jardueren pisua nabarmenduz. Lanean egunen batean behintzat jai eskatzeko aurreratzen ari dira, eta prest egoteko gutxienez gauren bat etxetik kanpo pasatzeko.

Sare sozialen bitartez joango dira egun horietan gertatzen denaren inguruko jarraipena ematen. Tsunami Democratic bere aplikazio berria erabiltzera ere animatu dute. ekintzak azaroaren 9an hasiko dira, Katalunia osoan ehunka jarduera iragarrita baitaude.

Tsunami Democratic mugimenduak orain arte ekimen indartsu bakarra egina du: Kataluniako lider independentisten aurkako epaia jakinarazi zutenean, El Prateko aireportua blokatu zuten. Ordutik Espainiako Estatuaren jo-mugan dago eta terrorismoagatik ikertzen ari direla esan izan du Marlaska barne ministroak.

Mugimenduaren atzean nor dagoen ez dakite hainbat hedabidetan aitortu dutenez eta egiten duten teknologia berrien erabileragatik, aplikazio batekin jendea mobilizatzeko saltoa ematear dira. Telegram kanalaren bidez egin ohi dituzte deialdiak eta bertan 393.000 lagun daude egun.

Tsunami Democratic-en oharra.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Katalunia independentziarantz  |  Sare sozialak

Katalunia independentziarantz kanaletik interesatuko zaizu...
Azkenak
EGILEA
Eguneraketa berriak daude