Olarizuko bizilagunek 35 alegazio aurkeztu dituzte Gasteizko Udalaren desalojo asmoen aurka
Langabeziak eta prekaritateak bultzatu dituela okupatzera azaldu dute. Udalari eskatu diote kriminalizazioa eta presioa baztertu eta etxebizitza alternatiba bat eskaintzeko. Prentsaurrekoan hainbat herri mugimenduk babesa adierazi diete bizilagunei.
Ostegun goizean prentsaurrekoa egin dute Gasteizko Olarizu hiribideko etxeko bizilagunek, udalaren aurrean. Dozenaka lagun bildu dira, Olarizuko bizilagunak eta hainbat mugimendu eta elkartetako kideak. Gogoratu dute urriaren 20an jakinarazi ziela udalak beraiek etxeetatik kanporatzeko administrazio prozesua, eta hamar eguneko epea zutela alegazioak aurkezteko. Astelehenean, azaroak 2, 35 alegazio aurkeztu zituzten bizilagunek. Azaldu dute Olarizuko udal jabegoko etxebizitza abandonatuak okupatu badituzte alokairurik ordaintzeko ezinagatik dela, “langabezia eta prekaritate” egoeren ondorioz. “Etxebizitza da arazoa, ez gu”, salatu dute.
Beste alternatibarik ez dutelako bizi dira bizitzeko baldintzarik ez duten etxebizitzetan, azaldu dutenez. Udalaren presioa salatu dute. Kanporatzeko bide administratiboa abiatuko duela jakinarazi ostean Udaltzaingoa 24 orduz dago etxebizitzetan, “presio psikologikoa sortzen diguna”, eta udalak kontratatutako enpresa bat okupatu gabe dauden etxebizitzak barrutik apurtzen ari da. Udaltzainek bi argi-sorgailu lapurtu dizkiela ere ziurtatu dute. Horrez gain, 2019an udalak argia eta ura moztu ziela gogoratu dute.
Euren egoera etxebizitza larrialditzat hartua izatea eskatu dute Olarizuko bizilagunek, eta gizarte zerbitzuen bitartez irtenbide kolektibo bat ematea: “Udalerri honetako herritar garen aldetik etxebizitza bat izateko daukagun eskubidea ez urratzeko eskatu dugu. Arazo honi irtenbide kolektiboa ematea proposatzen dugu, ez partikularra”. 40 familia inguru bizi da une honetan Olarizuko etxebizitzetan, haur jaio berriak, pertsona nagusiak edo haurdun dagoen emakume bat tartean. Nigerian, Kolonbian edo Gasteizen jaiotako pertsonak daude haien artean.
Herri mugimenduen babesa
Bizilagunek hitz egin ostean, Gasteizko herri mugimendu eta elkarteetako kideek hartu dute hitza desalojo arriskuan dauden bizilagunei “babesa” adierazteko –bazterkeriaren aurkako eta eskubide sozialen aldeko kolektiboetako eta espazio okupatuetako kideak egon dira prentsaurrekoan, besteak beste–. Udalaren eta Gorka Urtaran alkatearen jarrera gaitzetsi dute, desalojoarekin larria den egoera larriagotu egingo dela salatuz: “Kalea ez da alternatiba”. Urriaren 29an EAJ, PSE, EH Bildu eta Elkarrekin Podemos alderdiek EAEko Legebiltzarrean egindako adierazpena ekarri dute gogora: “Okupazioaren aurka borrokatzeko biderik eraginkorrena etxebizitza-politika publikoak indartzea da, bereziki alokairua bultzatzen dituztenak", dio adierazpenak. Udal gobernua osatzen duten EAJ eta PSEri aurpegiratu diete legebiltzarrean sinatzen dutenaren aurka egitea Gasteizen.
Kalea bilakatu da espazio publiko. Ezarri zaio ordena diseinuaren, arauen eta zaintzaren bitartez. Higienismo garaikidea aztertu dugu Bilboko errealitatea ardatz hartuta.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Bazterkeria egoeran dauden pertsonen elikadura beharrei erantzuteko, Paris 365 jantoki solidarioa martxan jarri zuten Iruñean, 2009an. Ordutik, euro baten truke egunero hiru otordu bero ematen dituzte. Urtarrilaren 27an iragarri zuten aurrez aurreko afariak emateari... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]