Nazionalismoak galdu omen du, Errepublikaren faboretan! Hala ote!?

  • Estimazioak baina ez dira artean, baina Le Penek ez ditu espero zuen bozen %40 jaso, %35era ez da heldu. Alta bada, hamaika milioi boz bildu du FNk. Auschwitz ahaztu dute frantziarrek, neoliberalismoa garaitu da.


2017ko maiatzaren 07an - 22:41
Françoise Hollande, Manuel Valls eta Ségolène Royalen Alderdi Sozialistak (PS) badu lan pixka bat. Ekaineko hauteskunde legegileak benetako testa izanen dira.

Marine Le Penek Emmanuel Macron onartu du presidente gisa: bozen %65,8 Macronen alde eta %34,2 Le Penek jasotakoa. FNren bide berri bat iragarri du Le Penek. Alta, FNk 11 milioi boz jaso du.

Françoise Hollande, Manuel Valls eta Ségolène Royalen Alderdi Sozialistak (PS) badu lan pixka bat. Bai horixe! Hamon, mon amour! Vallsen erritmoan, Manuel & Emmanuel, aitaponte Hollande!

Ekaineko hauteskunde legegileak benetako testa izanen dira. Legebiltzarrerako bozen karietara, Kohabitazioaren edo Bizikidetzaren Gobernu hipotetikoa jalgi da solastoki politikoetan.

V. Errepublika hilda jotzen dute FNkoek. Nazionalistak versus Errepublikarrak. Macron salbatzaile gisa jalgi da bere jarraitzaileen artean. Alta bada, hiru milioi langabe dira Frantzian. Bihar etzi, zer berri?

En marche alderdia Errepublikaren defendatzaile. Europa eta mundializazioa hizpide. Macronek zer ekar dezake?

Nazioaren zatiketaz kontzientea dela dio Macronek, eta horregatik entzunen ditu FNri boza eman diotenak. Hots, rassemblement da hitz magikoa. Ezker, eskuin, “aberats” eta “pobre” denok batasunean.

FNeko Marion Maré­chal-Le Pen gure bataila Macronen politika galaraztea dela erran du Hara, neoliberalismoaren oposizioa.

Ez da oposizioa bakarra, bistan da. Jean-Luc Mélenchonek monarkatzat jo du Emmanuel Macron. Ekaineko Legebiltzarrerako boz legelariak aintzat hartu  ditu. Frantzia Intsumisoaren hautagai galtzailea Macroni aurre egiteko prest omen dago, iragana atzean utzi nahi du eta humanismo sozial eta ekologikoa berpiztu.

Araiz!

 


Kanal honetatik interesatuko zaizu: 2017ko Frantziako hauteskunde presidentzialak
2017-08-01 | Moha Gerehou
Xenofobia Europan
Eskuin muturraren gorakadaren aurrean geratzen zaiguna

"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten... [+]


Ezkerra bidegurutzean

Azken hamarkadetan ezkerraren barruan gertatzen ari dena “iraultzailea” da. Bere baitan topa dezakegun perfil soziologikoen arteko aurkakotasuna oso nabarmena da. Alde batetik, balio posmaterialistetan –labur esanda: feminismoa, ekologismoa, arrazakeriaren... [+]


2017-05-21 | Itxaro Borda
Zapatak

Iragan astean, mendiko zapata berriak erosi ditut, izendatuko ez dudan kostalde oparo honetako kirol denda batean. Ez naiz alpinista, ez naiz itsuki gailurren lehian dabilen horietarik ere, maldetan gora eta behera ibiltzea maite duen hiritar hutsa baino: gustatzen zait hatsak... [+]


2017-05-14 | Mikel Asurmendi
Macron presidente: promesak egia bihurtuko balira

Emmanuel Macron da Frantziako presidente berria, hautesleen bozen %65,5 jasota. Marine Le Penek, berriz, %34,2 boz bildu ditu. Macronek 20,7 milioi herritar inguratu ditu eta Le Penek 11. Sei milioi hautesle abstenitu dira.


Ipar Euskal Herrian Macron garaile, alde handiagoarekin

Ipar Euskal Herrian ere atera da garaile Emmanuel Macron, botoen %76,52 lorturik. Abstentzioak, baliogabeko botoek eta boto zuriek ere presentzia handia ukan dute, orokorki, aurreko hauteskundeetan eta zehazkiago, lehen aldiz Le Pen bigarren itzulian kokatu zen 2002 urtean baino... [+]


Eguneraketa berriak daude