Nakolinismoa eta nakolinistak


2024ko apirilaren 06an - 07:42
Inoiz baino beharrezkoagoak dira eskuin muturraren gezurrei
aurre egingo dieten hedabide independenteak

Horra hor bi hitz berri: nakolinismoa eta nakolinistak. Normala, beraz, ezezagunak egitea. Ez dira agertzen ez orotariko euskal hiztegian, ez inguruko, ez urrutiko hizkuntzetako hiztegietan. Halere, bizpahiru aldiz irakurri eta esanez gero, ez zaizkigu oso arraro egingo, gure belarrietan ez digute min ematen. Antzeko hitz asko ezagutzen eta erabiltzen ditugu maiz: nazionalismoa eta nazionalistak, kolonialismoa eta kolonialistak, inperialismoa eta inperialistak, kapitalismoa eta kapitalistak, feminismoa eta feministak, matxismoa eta matxistak...

Zertara datoz, ordea, bi hitz berri hauek: nakolinismoa eta nakolinistak? Maiz, euskaldunoi leporatzen digute espainolek eta frantsesek gu nazionalistak garela, edo abertzaleak; gauza txarra, jakina. Nazionalismoak kalte handia egin baitu munduan. Eta munduko herri eta nazio txiki, zapaldu eta menderatutakoak gara kalte horren hobendun: euskaldunok, katalanak, korsikarrak, eskoziarrak... Haiek (espainiarrak, frantziarrak…) ez omen dira nazionalistak, haiek munduko hiritarrak dira. Eta gu? Estralurtarrak gara gu? Haien aburuz, gure kultura eta hizkuntza ziztrinek ez digute munduko hiritar izateko adinako kategoriarik ematen. Eurenera gerturatuz, haiena geure eginez, orduan bai, orduan bilakatuko gara munduko hiritar eskubide guztien jabe. Bitartean badakigu zer egin behar dugun, zarata handirik egin gabe, desagertu.

Horren aurrean, gure nazionalismoa edo abertzaletasuna justifikatu beharrean gaude. Askok idatzi dute horren inguruan, zer den guretzat abertzale edo nazionalista izatea. Eta esango diegu gure nazionalismoa ez dela haiena bezalakoa, gu internazionalistak garela eta beste nazio eta herriak errespetatzen ditugula. Ez haiek bezala; haien nazionalismoa supremazista dela, espantsionista dela, eta kolonialista, eta inperialista, eta beste nazio eta herrien kulturak eta hizkuntzak zapaltzen, gutxitzen, suntsitzen dituztela. Eta hori guztia bortxaz egin izan dutela eta egiten dutela euren armaden eta legeen bidez. Nola ez direla nazionalistak? Adur dariola egoten dira-eta euren selekzioei begira; ¡Viva la Roja!, Allez les Bleus!. Hori bai, euren selekzioen garaipenak baino, gehiago pozten eta asebetetzen ditu guri, katalanoi, euskaldunoi edo korsikarroi gure selekzioekin parte hartzen ez uzteak, guri debekatzeak. Hori bai garaipena eta arrakasta haientzat!

Horixe da nakolinismoa: nazionalismo kolonialista inperialista. Oso hedatua dago nazio boteretsuetako herritarren artean. Europari dagokionez frantziarrak, espainiarrak, ingelesak... hezur-muinetaraino sartua dute nakolinismoa

Horixe da kontua, guk ez dugula hitz bat edo kontzeptu bat haien nazionalismoa definitzeko, eta erantzun luze bat behar dugula geure burua zuritzeko eta hain nazionalismo zapaltzailea salatzeko. Haien estatuen, kulturen eta hizkuntzen boteretik definitzen gaituztela, nazionalistak esanez, era mespretxagarrian eta gutxiesgarrian.

Eta gure baitatik, gure hizkuntzatik, gure egoeratik definituko bagenitu? Guk sortuko bagenitu geuretik euren ideologia, euren pentsaera eta jokaera definituko lituzketen hitzak? Azalpen luze eta nahasgarririk erabili behar izan gabe. Hitz bakar bat, diskurtso luze gabe. Agian, ez zaie gustatuko, baina eurena izango da euren burua azaltzeko lana, ez gurea. Buelta asko eman dizkiot buruari eta aukera desberdinak erabili ditut. Baina baldintza batzuk bete behar zituzten, edozein hitz motak ez zuen balio. Inguruko hizkuntzetan ere erabiltzeko modukoak behar zuten izan, haientzat ere ulergarriak eta erabilgarriak.

Nazionalismoa NA, kolonialismoa KOL eta inperialismoa IN. Hiru hitzen elkarketatik eratorri da na-kol-in-ismoa. Horixe da nakolinismoa: nazionalismo kolonialista inperialista. Nakolinismoa oso hedatua dago hainbat nazio boteretsuetako herritarren artean. Europari dagokionez frantziarrak, espainiarrak, ingelesak, errusiarrak... hezur-muinetaraino sartua dute nakolinismoa. Berdin dio monarkikoak diren edo errepublikarrak, eskuinekoak edo ezkerrekoak. Urte luzeetan, mendeetan, horrelaxe jokatu dute kolonizatutako lurralde eta nazioetan, eta jokabide hori naturalizatu dute. Horrelako ideologia edo pentsamendua garatu dute, eta ondorioz, nakolinistak dira euren jarrerak, instituzioak, arauak, legeak, konstituzioak, epaitegiak, alderdiak…

Matxismoaren antza badu zentzuren batean; egiturazkoa da, eta gizarte osoa zipriztintzen du: monarkikoak zein errepublikarrak, eskuinekoak zein ezkerrekoak, erlijio batekoak zein bestekoak, baita agnostiko eta ateoak ere. Matxismoari aurre egin nahi bazaio, deseraikitze lan handia egin beharko dugu, gizonezkook bereziki, gizartetik jaso dugun matxismoa eta jarrera matxistak bazterrera uzteko. Feminismoarengatik eta ahaldundutako emakumeengatik ez balitz, matxismo atzerakoienaren atzaparretan egongo ginateke oraindik. Eta, hala ere, zenbat daukagun egiteko! Bada, nakolinismoarekin berdin egin beharko da.

Nakolinismoa indarrean dago XXI. mendean. Zer dira, bestela, euskararen (euskaldunon) edo katalanen aurkako azken oldarraldi judizialak? Erantzuna badakigu: lege, epaitegi, epaile, politikari eta komunikabide nakolinisten erasoak. Berdintsu izan zen XX., XIX. edo aurreko mendeetan.

Laster, hauteskundeak izango dira Euskal Herriko zati batean, EAEn; ingelesez, batzuek gogoko duten moduan, West Basque Country-n. Alderdi eta hautagai batzuk nazionalistak, abertzaleak, independentistak… dira; kutsu negatibo eta gaitzesgarrian gehienetan.

Eta PP, PSE, Vox, Sumar, Podemos… zer dira? Abertzaleak ez dira. Baina, nazionalistak? Independentistak? Espainiako hiri eta herrietan “Plaza/Avenida/Calle de la Independencia” ugari daude nonahi. Gehiago zein gutxiago alderdi nakolinistak dira guztiak.

Imajinatu kazetariak alderdi horietako hautagaiei edo tertulia-kideei galdetzen: “Hurrengo hauteskundeetan zer emaitza uste duzue izango duzuela edo dutela alderdi nakolinistek?”.

Dani Goñi Irazusta

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Irakurleen gutunak
Ez Ferreirak, ez Bengoetxeak, ez Perezek

2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]


2025-09-11 | Piter Encinas
Eutanasiaren legea laugarren urtez indarrean

Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]


Trekutz eguna

2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]


2025-09-04 | Joseba Alvarez
Dena blokeatu!

Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.

Izan... [+]


Donostia 1813

Donostia arpilatua, bortxatua eta propio erreta Espainiako independentziaren alde 1813ko abuztuaren 31n.

1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]


Kirurgialari euskaldunak errektoreorde eta sailburuorde ohi letragabearentzat

Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]


2025-09-01 | JJ Agirre
Supremazistek beti “win-win”

Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]


2025-08-30 | Patxi Aznar
Beste urrats oker bat

Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]


2025-08-29 | Joan Mari Beloki
Trump bake bila?

Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]


Poligono eolikoak: oportunismo gutxiago eta plangintza demokratiko gehiago

Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]


Semaforo gorria

Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]


Udazken beroa Frantzian?

2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.

Horri gehitu behar... [+]


2025-08-28 | Jon Aleman Astitz
Supremazismo espainiarren “kontsentsu linguistikoa”

Eskubide linguistikoen ikuspegi integratzaile baten eskaintza dugu gaurkoa.

Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]


2025-08-28 | Iñaki Lasa Nuin
Gure jaiak

Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]


Polizia "talde zaurgarri"?

Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]


Eguneraketa berriak daude