Bilboko Aste Nagusiak badu pregoilaria: Beatriz Sever, Naizen elkarteko bozeramailea

  • Bilboko Aste Nagusiko pregoilaria eta txupinera nor izango diren iragarri dute ostegun honetan. Beatriz Sever Egaña, adin txikiko transexualen Naizen elkarteko bozeramaileak emango du jaien hasierako pregoia eta Pa... Ya! konpartsako Itxasne Nuñez izango da txupinera.

ARGIA @argia
2019ko uztailaren 12a
Beatriz Sever izango da Bilboko Aste Nagusiko pregoilaria (argazkia: Hiruka).

Bilboko Aste Nagusiaren 41. edizioak baditu Pregoilaria eta Txupinera. Azken urteetan haur transexualen egoera gizarteratzen lan handia egin duen pertsona baten ahotik entzungo da jaien hasierako mezua: Beatriz Sever Egaña, Naizen elkarteko bozeramailea. Sever sexologoa eta kazetaria da, eta Euskal Herriko guraso transexualak batzen dituen elkartea urte honen hasieran sortu zuten.

Bestalde, Otxarkoagako Pa... Ya! konpartsako Itxasne Nuñez izango da txupinera. 30 urte ditu eta Zuzenbidean lizentziatua da. Gaur egun, sindikalista gisa lan egiten du.

Bilboko Aste Nagusia abuztuaren 19an hasiko da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bilboko Aste Nagusia  |  Bilbo

Bilboko Aste Nagusia kanaletik interesatuko zaizu...
Eguneraketa berriak daude