Bilboko Aste Nagusiko pregoilaria eta txupinera nor izango diren iragarri dute ostegun honetan. Beatriz Sever Egaña, adin txikiko transexualen Naizen elkarteko bozeramaileak emango du jaien hasierako pregoia eta Pa... Ya! konpartsako Itxasne Nuñez izango da txupinera.
Bilboko Aste Nagusiaren 41. edizioak baditu Pregoilaria eta Txupinera. Azken urteetan haur transexualen egoera gizarteratzen lan handia egin duen pertsona baten ahotik entzungo da jaien hasierako mezua: Beatriz Sever Egaña, Naizen elkarteko bozeramailea. Sever sexologoa eta kazetaria da, eta Euskal Herriko guraso transexualak batzen dituen elkartea urte honen hasieran sortu zuten.
Bestalde, Otxarkoagako Pa... Ya! konpartsako Itxasne Nuñez izango da txupinera. 30 urte ditu eta Zuzenbidean lizentziatua da. Gaur egun, sindikalista gisa lan egiten du.
Bilboko Aste Nagusia abuztuaren 19an hasiko da.
Luberri Konpartsak salatu du Mugimendu Sozialistarekin duen harremanagatik debekatu diola Bilboko Konpartsen Federakundeak parte hartzea, eta dei egin dio "erabakia birpentsatu" dezan. Ezker Abertzalea seinalatu dute ezarritako debekuaren "erantzule politiko"... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko jaietatik %50 bat igo dira atxiloketak, eta Bilboko alkateak “poliziaren presentzia handiarengatik” dela dio. Konpartsek polizia indarkeriaren ondorioz egindako salaketaren inguruan, Juan Mari Aburtok adierazi du ez duela haiekin hortaz hitz egin behar.
Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu... [+]
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.