Nafarroako lan epaitegiak ebatzi du Glovoko banatzaileak autonomo faltsuak direla
Gizarte Segurantzak ofizioz jarritako demandari erantzun dio Iruñeko lan arloko epaitegiak eta arrazoia eman: 2018ko abuztutik 2019ko urrira Glovorentzat lan egin duten 207 banatzaileen kotizazioak ordaindu beharko dizkio enpresak, soldatapeko langileak zirelako, ez autonomoak.
Glovoko langileak “autonomo faltsuak” izan direla ebatzi du Iruñeko lan arloko epaitegiak. Zenbaitetan salatutakoa berretsi du epaiak, alegia, Glovoko banatzaileak enpresaren soldatapeko langileak direla eta ez autonomoak, Glovok baieztatzen duen bezala.
Irailaren 1ean jarri zuen salaketa Gizarte Segurantzak, ofizioz, eta azaroaren 14an argitu da auzia. 2018ko abuztutik 2019ko irailera bitartean Glovorentzat lan egin duten 207 rider-en kotizazioak ordaindu beharko ditu enpresak, 248.738,56 euro, zehazki. Glovok errekurtsoa jartzeko aukera dauka oraindik.
Zera ondorioztatu du epaileak: Glovo ez dela zerbitzuen kontratazioen bitartekari hutsa, baizik eta zerbitzu hori koordinatzen eta antolatzen duela. LAB sindikatuak gogorarazi duenez, kontratuetan jasotzen den aukeratzeko –egunak, orduak, eta eskaerak onartzea edo ez– askatasuna eta autonomia “ez da erreala”, aplikazioak zigortu egiten baitu banaketa gutxi egitea. Halaber, ez zituen langileak zehazten prezioa eta funtsezko lan-baldintzak, besteak beste, ezpada Glovok berak.
Salaketekin segitzeko asmoa, LABek
LAB sindikatuak epaia ospatu du, eta ohar batean adierazi dute “oso pozik” daudela, Auzitegi Gorenaren doktrinarekin jarraitzen duelako –aurretik ere beste epai batzuek ebatzi dute autonomo faltsuak direla rider-ak–. Halere, salatzen jarraitzeko asmoa adierazi dute, Lan Ikuskaritzan nahiz epaitegian, “Glovok legea zehatz-mehatz bete arte”. Sindikatuak ohartarazi du epaia “oso berandu” iritsi dela eta “langile asko” kanpo utzi dituela.
Frantziako Estatua eta Alemania izan dira aurka kokatu diren estatu bakarrak. Direktibaren lanketa 2021eko abenduan abiatu zuen Europak, baina trabak eta presioak tarteko, hiru urte baino gehiago behar izan ditu onespenak. Europako Parlamentuak bozketa berrestea falta da.
Glovo, Just Eat eta Uber Eatseko janari banatzaileen %70-75ak paperik gabe lan egiten du EAEn, El Salto hedabideak Journalismfund Europe-rekin elkarlanean egindako ikerketa-erreportajearen arabera. Horrek asegururik gabe uzten ditu langileak lanean lesioren bat izanez gero.
Langileak espiatzeaz gain, ikerketa batek ondorioztatu du enpresaren app-ak datu pertsonalak eta geolokalizazioak bidaltzen dituela.
Nafarroako Sozial Arloko 1. Epaitegiak atzera bota du Glovok 2022ko azaroko epaiari jarritako helegitea. Helegitearekin, Glovok banatzaileak ez direla haren enplegatu berretsi nahi zuen.
Ziclo-P kooperatibako kide Leire Rodriguez Metropoli Forala saioan izan dugu hiri garraiobide jasangarriaz, solasean. Bizikleta erabiltzen dute haien banaketa lana egiteko.